暖男爸爸︱李昭南小背心曬吸睛身材 現實卻怕性感:唔慣俾人注視

撰文:葉詩
出版:更新:

說起李昭南(Mishy)這個名字,大眾最深刻的相信就是她與歌手吳浩康(Deep)的一段戀情,其實除開這個身份,Mishy作為一個個體同樣充滿閃光點。與ViuTV簽約的Mishy近日Mishy在電視劇《暖男爸爸》中飾演「骨妹」Nami,在劇中更是林世榮(鄭中基飾)的鄰居,不時上夜更時替其照顧兒子暴龍哥。周四(29日)播出的第四集劇情,Mishy穿着超性感低胸小背心登場,好身材令不少觀眾驚艷;而觀眾的反應之好也是她自己始料不及的!

點擊圖輯睇Mishy在《暖男爸爸》中的性感演出!

+17

原來早在2019年的《假設性無罪》Mishy已經挑戰過較為性感角色,那也是她第一次挑戰性感演出;至於Nami這個角色,雖然在服裝上是Mishy出道以來最性感,但她就希望觀眾能多留意人物性格:「Nami雖然衣着性感,同時佢亦好善良、會保護弱小;我覺得性感同善良可以並存,服裝只係令角色更完整。我知道ViuTV嘅觀眾思想都好開明,唔會淨係單一留意性感呢個特質,就睇唔到其他嘢。」

原來早在2019年的《假設性無罪》Mishy已經挑戰過較為性感角色,那也是她第一次挑戰性感演出。(劇集截圖)

除了性感的一面,Mishy更希望可以挑戰不同角色、不被定型:「我的確唔想淨係行好單一性感嘅路線,因為放大呢個焦點,可能會令人對我有啲誤解、忽略一啲更有意義嘅位。」

她更希望觀眾能看到她的多面向:「身邊嘅人話我本質都好奇特,思想、世界觀都係難以想像,甚至老闆都話我性格同外表反差好大。我想拍一啲奇特嘅真人Show、寫多啲瘋狂嘅歌,等大家知道我嘅古怪。 如果有留意我Chill Club推介寫嘅稿、音樂專欄寫嘅嘢,就會知道我係一個有強烈社會責任感嘅人,一直有拍關於社企嘅英文節目、音樂節目,內容一啲都唔性感、非常學術,只不過畫面無咁吸睛!」

Mishy坦承自己在展示身材方面其實很矛盾:「我本身唔係特別鍾意去展示,但為咗電視工作近兩年就會嘗試性感。」(IG/@mishyfish)

Mishy擁有玲瓏浮突的好身材,但她就坦言以前從來沒想過會走性感路線,性感對她而言其實是一個挑戰,當中最大的不自信就是來自大眾的凝視:「大家以為我對自己身材充滿信心,但我未完全習慣大家對自己身材嘅注視,面對面望都仲會尷尬!」

Mishy更因此在日常養成一些習慣:「我成日俾朋友話我寒背;好多時有性感鏡頭出街,我都會自己一個匿埋屋企唔見人。」她又透露試過不敢接一些更性感的工作:「幾年前有拍攝工作需要唔着內衣,只着薄背心拍床戲。」不過,Mishy正在調整心態:「我仍然學習緊點樣去平衡呢樣嘢,表達健康自信嘅性感!」

點擊圖輯睇Mishy靚相!

+19

看過Mishy外在性感的一面,其實她的內在也甚是豐富,在學時期她已經是個名副其實的學霸,以全額獎學金入讀加州大學戴維斯分校,以高等榮譽成績畢業於傳播及舞台系,及後放棄美國華盛頓政府總部電視台主播職位,回流香港發展。

Mishy以實力證明憑自己的能力足以獨當一面,回港初期已經參與荷李活電影《黑客特工》及《變形金剛4》的選角工作,更曾在2016年奪得「全美華埠小姐競選2016第二公主」殊榮;在音樂造詣上更是出眾,擅長鋼琴、 搖滾鼓、手風琴、自動竪琴、結他等樂器,十分多才多藝!

近月Mishy主動舉手參加公司的選秀節目《全民造星III》。(ViuTV)

近月Mishy更主動舉手參加公司的選秀節目《全民造星III》:「我想唱歌!」即使身邊的人都擔心她承受不了壓力、勸她退賽,她仍一意孤行,希望能被人聽到自己音樂創作裡的訊息:「我覺得俾人鬧唔係咁大件事,最緊要你堅持做咗你想要嘅嘗試。喺我心目中冇所謂身位嘅問題,要做就努力做,唔好婆婆媽媽。如果做人太玻璃心,會失去自由,每日都好痛苦。」

今年48位女參賽者逐個睇:

+43

同場加映:全民造星III︱Bingo關嘉敏初登場 爆喊呻明星不易做:生活唔到!

+33