使徒行者3|林峯冧爆大讚老婆張馨月係賢內助 預告第四輯有希望

撰文:董欣琪
出版:更新:

林峯在TVB劇集《使徒行者》中飾演的爆Seed深入民心,劇中他與佘詩曼飾演的釘姐這一對情侶火花十足,雖然兩人未有參演第二輯,但一班劇迷終於等到林峯在台慶劇《使徒行者3》中再演爆Seed。早前林峯在接受袁潔儀訪問時,就自言好開心相隔六年回歸《使徒行者》系列,不但大談拍劇趣事,更分享湊女經!

林峯相隔六年再演爆Seed,一樣型到爆!(劇照)
林峯大談婚後生活。(YouTube影片截圖)

相隔六年再演爆Seed,林峯除了劇中角色的身份及心態有轉變之外,現實中他亦已經結婚生女,踏入人生新階段,他在節目中大談婚後生活時更冧爆甜笑:「而家有自己家庭,我希望跟住落嚟工作上有屋企人支持,有一位幫我處理家庭事嘅賢内助,我可以全力向前衝,將我嘅工作做得更加好,有更多好嘅作品帶畀大家。」

林峯大讚老婆張馨月係賢內助。(微博@張馨月Carina)
+14

由人夫再升呢做爸爸,林峯笑言自己現時終於可以同身邊的拍檔分享湊女經:「我以前撞到(鄭)嘉穎、(梁)競徽佢哋,佢哋已經做咗爸爸,我有時插唔到嘴,佢哋講湊仔經、湊女經,我完全唔知點加入呢個話題,但我而家好明白,當你有小朋友嘅時候,原來真係離不開同一個話題,我而家可以加入戰團喇。」林峯講到囡囡時一臉幸福,更表示希望囡囡健康快樂成長。

林峯升呢做爸爸!(微博@張馨月Carina)
+52

提到新劇《使徒行者3》結局中埋下了伏筆,令大家非常期待揭開釘姐的去向,雖然林峯指暫時未有計劃開拍第四輯,但他就認為絕對有希望:「我睇最後監製同導演最後個鋪排,係好似仲想拍4嘅。」似乎是預告爆Seed同釘姐極有可能再續前緣!

爆Seed同釘姐真係仲有機?(微博@林峯)

同場加映:林峯外母真實身份曝光 曾被稱「餐飲女王」擁千億身家

+33