【幕後玩家】劉佩玥演狐狸被狂鬧 最強小三求情:都係出自真心!

撰文:
最後更新日期:

劉佩玥在《幕後玩家》中做小三,更想同龔嘉欣分享老公,難怪女觀眾看得激氣。(電視截圖)

龔嘉欣於《幕後玩家》的喊戲這兩天在facebook洗版,不過能夠令她喊到收不到聲的,主因都是劉佩玥,被網友封為史上最強小三,在劇集中瘋狂色誘黃宗澤,大肚去靈堂踩場,又要求同龔嘉欣共用老公,招數越出越強,加上阿Moon又演得好,令到觀眾,尤其女粉看得咬牙切齒,有不少看得太投入的女粉,更在阿Moon的facebook instagram留言鬧,不過阿Moon就話大部份粉絲都是理性,她說:「我唔係最強小三,劇入面嘅Emma先係,我唔會做小三啫,其實佢哋分得好開,睇劇還睇劇,我唔介意嘅,我有少少安慰,如果做出嚟大家冇感覺,咁我覺得冇意思。」

劉佩玥歡迎大家留言,但大家記住留手,emma還emma

不過阿Moon在最近的instagram post 都寫住「Emma是Emma,我是我。希望大家是評論劇情角色也好,投放個人感情也好,無任歡迎。但請記得錫住現實的我:)」看來都擔心粉絲過份激動。

劇中小三Emma粉身碎骨都要融入Sheldon家中,不過阿Moon就話其實Emma是悲劇人物:「其實Emma係為咗自己嘅幸福同將來去打算,所謂佢啲小三招數都係出自真心,因為冇咗BB先令佢諗得偏激,但大家睇落去啦,大家就唔會只係討厭佢,會好可憐佢,因為之後出招嗰個就唔係佢嚟㗎!」莫非輪到龔嘉欣出招?

劉佩玥拍劇兩年多做乖女,上次《城寨英雄》的荷德莉,同今次飾演的Emma好大分別。

而為了做好這個角色,劉佩玥緊張到出風癩,她說:「拍嗰陣真係有壓力,係我驚做得唔好,之前大家見到我成身風癩,皮膚又好差,都係因為自己大壓力,攪到調理得唔好,但而家反應咁好,都覺得係值得嘅。拍之前都有參考幾套電影,又問下身邊嘅人有無呢啲經歷呀,或者上網睇,咁Bosco同阿聰仲有監製阿Joe(陳維冠)都俾好多意見我,全部都好幫我。」



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。