使徒行者3|葉蒨文拍親熱戲緊張到胃痛 直認要求高:喊咗四個鐘

撰文:董欣琪
出版:更新:

憑着TVB處境劇《愛·回家之開心速遞》中飾演Candy而大受歡迎的葉蒨文(Sophie),近日首度在台慶劇《使徒行者3》中孭重戲份,飾演保安局副局長千金蘇淼淼,同袁偉豪(Ben)有不少親熱戲。可惜在昨晚(15日)播出的一集中,蘇淼淼(葉蒨文飾)因為幫徐天堂(袁偉豪飾)調查爸爸蘇子安(李國麟飾)受賄洗黑錢的真相,最後事敗被對方錯手殺死。

葉蒨文(Sophie)在TVB處境劇《愛·回家之開心速遞》中飾演Candy。(IG@sophieysm)

「01最賞睇娛樂大獎」即日起至12月23日接受投票喇,答埋簡單問題,隨時贏最新5G手機12 Pro!

現年28歲的Sophie在2016年參選港姐後入行,憑着「島大女神」之名而為觀眾熟悉,雖然過往參演過不少劇集,但多數都是無名的角色,今次是她首度在正劇中有正式演出,但原來這個機會是臨陣換角才得來的,加上在劇中與袁偉豪及李國麟有不少對手戲,令她大感緊張:「第一場戲已經要喺袁偉豪面前除衫,我去到現場緊張到胃痛,睇完第一個take覺得好唔滿意、好離譜,但都要拍埋落去,離開片場返到屋企我喊咗四個鐘。但到播出又覺得自己好傻,其實唔使喊咁耐咁緊張嘅,經過導演同大家演員嘅悉心調教之後都ok嘅,但呢個經歷令我覺得自己心理質素比較差啦,可能經驗多啲就唔會咁緊張。」

Sophie在《使徒行者3》中第一場戲就要喺袁偉豪面前除衫,上演一場泳池調情戲。(YouTube影片截圖)

重溫精彩演出:

+28

劇中Sophie飾演阿Ben的女朋友,兩人更有連場激吻戲,令拍劇經驗尚淺的她非常尷尬:「喺我屋企同徐天堂錫錫嗰part呢,第一個take我唔知點樣做,硬晒軚,導演就話『你哋可唔可以畀多啲Passion呀?』跟住袁偉豪就話『佢都冇反應嘅』,我話『導演,要反應?好好,得得,我畀你』,跟住第二個take就放咗去做囉,落足感情去錫佢個嘴呀!同埋我唔知喺螢幕睇要錫到幾激先係啱啱好,但第二個take都ok,導演都收貨。」

Sophie與Ben在劇中有連場激吻戲!(YouTube影片截圖)
+18

Sophie同阿Ben在劇中接連上演泳池調情戲同激吻戲,討論度十足,但其實私底下Sophie與同屆港姐張寶兒(Bowie)是好朋友,所以她在開拍前都有向對方報備:「嗰陣時收到劇本知道同佢男朋友有親熱戲,覺得少少怪怪哋,但工作需要,都有同佢報告『要錫你男朋友,報定先。』(有冇監場?)冇呀,寶兒都大方,佢自己都做呢行,我相信佢應該會更加理解。同埋寶兒知道我今次終於有比較多戲份,主動message我叫我畀心機,放鬆啲做,叫我加油,我好感動好開心。」

Sophie與張寶兒(Bowie)是同屆港姐。(IG@sophieysm)
Sophie有樣有身材,絕對有潛力上位!(IG@sophieysm)

眼大大、笑容甜美的Sophie被視為是「美女筍盤」,今次在《使徒行者3》中的演出更令觀眾眼前一亮,大讚她有樣有身材,但其實Sophie已經有一位圈外男友,而且好理解她的工作:「我男朋友都大方嘅,唔會呷醋,唔知佢內心有冇,但佢表現出嚟冇囉。佢好分得開嘅,知道係做嘢需要,我都好知自己現實中要啲乜嘢,同埋佢都信任我嘅,咁我作為一個女朋友都幾好㗎嘛,值得信賴嘅。(感情穩定有冇結婚計劃?)冇呀,我都好專注做嘢,而家市道咁差,大家都係諗住搵錢先。」對於被網民激讚有潛力上位,Sophie就表現得好謙虛:「我自己目標係做到最好,走得幾遠唔係我決定,做好自己先。」

+48
你可能感興趣