全民造星III|毛舜筠認忠實粉絲 唔忍心畀尖銳評論:坐低已想喊

撰文:葉詩
出版:更新:

《全民造星III》總決賽於周六(26日)在九展Star Hall舉行,經過三輪比賽後,最終由Ben(趙祥誠)奪得冠軍,陳葦璇奪得亞軍、Anson Bean(陳毅燊)奪得季軍。今晚邀得毛舜筠(毛姐)、鄧麗欣(Stephy)、王菀之(Ivana)擔任評判,毛姐更坦言由第一季起已經是《造星》的忠實粉絲:「好似睇緊一套連續劇,我有份參加結局演出,覺得好興奮,好享受!」

毛姐更坦言由第一季起已經是《造星》的忠實粉絲:「好似睇緊一套連續劇,我有份參加結局演出,覺得好興奮,好享受!」(葉志明攝)

評判們來之前已經各有心水,毛姐表示很喜歡Anson Bean:「我覺得佢就係一粒星!特別係第三輪嘅表演100分!」Stephy來之前最期待Ben的折骨舞:「電視睇咗好多次,但係現場咁近距離睇係好震撼!」Ivana則看重現場表現:「其實三甲嘅分數都好接近。」

Stephy當起評判都表示十分緊張:「我由頭睇到尾,替佢哋好緊張,加埋對佢哋好有感情,好想佢哋有好嘅表現,無論贏定輸,都想佢哋喺舞台上展現最好嘅一面。」(葉志明攝)
+6

總決賽由直播形式播出,第三輪比賽每位參賽者表演完畢後,主持強尼都會着評判給予評語,不過網上觀眾就怨聲載道,認為評判評語「有讚冇彈」欠缺建設性,三位評判均表示現場要執生十分有難度,Stephy說:「我覺得最難係Dance Battle,又要望又要寫。」 Ivana補充道:「其實我哋寫咗好多嘢,仲思考緊嘅時候,突然之間被問都唔知從何講起。」

Ivana解釋做評判分身不暇:「其實我哋寫咗好多嘢,仲思考緊嘅時候,突然之間被問都唔知從何講起。」(葉志明攝)

毛姐表示來之前有朋友建議她的評語要尖銳一點,一路見證著他們進步的毛姐就覺得於心不忍:「唔係喺呢個時候講一啲好負面嘅評語,反而講好欣賞佢哋呢幾個月來嘅蛻變,其實我好感動,坐低嘅時候已經有少少想喊,好似睇住佢哋出人頭地,好替佢哋開心。」