【幕後玩家】與黃翠如鴛鴦戲水勁自然 蕭正楠：我平時鎖門沖涼！
撰文：林通賢
出版：更新：
蕭正楠、黃翠如這場出浴戲，真的是昨晚《幕後玩家》全集的焦點，未看的朋友，如果想慳時間，可以直接飛去最後5分鐘收看。（網上截圖）
蕭正楠沖涼，黃翠如突然亂入。留意阿蕭的視綫......望翠如條頸啫...好正經。
這陣子《幕後玩家》真的玩哂，陸永患愛滋跳樓，不論你覺得合理與否，陸永那段戲版已洗，就已經成功，昨晚就輪到蕭正楠、黃翠如洗版，事關這對真情侶昨晚在劇中鴛鴦戲水，二人半祼出浴接吻，長達30秒，不少網友看得「嘩嘩聲」之餘，亦大讚兩位演出自然，更覺得兩位經常練習先有這樣效果。《香港01》記者向蕭正楠問到該幕戲，阿蕭就話網友想多了，自己就沒有試過，他說：「冇乜可能喇，我沖涼通常都鎖門，多謝網友睇得咁投入劇情入面，劇入面我好慘㗎，沖涼之後，轉頭翠如就擺低隻戒指，其實我…..我係被人『趙完鬆』㗎！我覺得係翠如最性感嘅一次，親熱戲我都好少咁盡囉。」
翠如一向玉女形象，昨晚演出絕對令人驚喜，阿蕭話拍攝都接近清場，他說：「監製陳維冠好好人，當時佢冇講任何嘢，叫我哋排位，正式拍嘅時候，自動幫我哋清場，剩係得攝影師同我哋，翠如就拍得比較放心啲啦，我就用盡方法等佢唔好走光，拍得好順利，一take過就收貨，不過拍出嚟好真，好似，我睇咗之後都『嘩』咗一聲。」
翠如突然衝入浴室，同男友一齊沖涼。（網上截圖）
這場戲，其實主角是杯水....！（網上截圖）
浴室突然有杯水，導演一定是有所寓意，不過阿蕭話佢都唔知。（網上截圖）
請繼續睇水。（網上截圖）
有網友嫌蕭正楠唔夠fit，想不到大家最想看的是蕭正楠身材。（網上截圖）
網友讚兩位演出自然，更指二人經常練習先有這種效果，不過阿蕭就話自己鍾意鎖門沖涼。（網上圖片）
阿蕭話當日清場拍攝，令翠如拍得放心。（網上圖片）
親熱戲之後，翠如就放低戒指同蕭正楠分手，原來翠如先係玩家。（網上截圖）