被爆同廖慧儀煮飯仔玩地下情 孔德賢否認拍拖:我唔會咁白痴!

撰文:
最後更新日期:

有「狂野空姐」之稱的落選港姐廖慧儀,去年被指暗撻《#後生仔傾吓偈》主持孔德賢(Danny),及後舊愛Sam疑因情困墮樓身亡而備受批評。雖然廖慧儀和孔德賢同時否認拍拖,但有網民發現他們仍有保持聯絡,更有人發現他們疑似一齊玩煮飯仔,分別在IG貼食物照,所用的煮食爐近九成相似,而隔熱板的枱紋顏色也一樣,極有可能轉玩地下情,Danny未知是否因為行蹤敗露,之後亦急刪走該IG影片。

Danny否認同廖慧儀搞地下情。(陳順禎攝)

昨晚(22/1)Danny出席《big big shop感謝祭》記者會時,便就上述事件向《香港01》解畫:「其實嗰日做完嘢,就攞咗農夫所送嘅一大堆蘿蔔,就上咗去朋友嘅屋企生日Party慶祝,順便整蘿蔔糕,我係上到去先知佢喺度。到第二日見到新聞出咗我先知佢Post咗龍蝦相,講真如果我哋真係一齊煮飯仔唔想俾人知,我唔會咁白痴到佢喺左邊影完,我就係右邊影,然後Post上網。講真我唔會睇佢Post咩,然後我先Post,我只係好簡單煮完咪影咪Post囉,如果真係地下情又點會咁Post相呀!」

同場加映廖慧儀靚相:

+9
+9
+9

Danny承認無時無刻同廖慧儀拉扯上關係感到壓力。(陳順禎攝)



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。