狂舞派3|余香凝大肚出席首映 早前激罕曬老公正面︰實在太靚仔

撰文:
最後更新日期:

余香凝(Jennifer)周四(18日)出席電影《狂舞派3》首映禮,懷有身孕的Jennifer穿着鬆身裙和波鞋,看上去依然手幼腳幼。第一年派利市,她坦言有種終於變大人的感覺。她沒有透露確實懷孕幾多個月,但就笑指:「而家其實(BB)都大㗎啦,大到我出街有人讓座囉最近,第一次感受到原來俾人讓座原來係好有愛㗎!我喺餐廳等緊位嘅時候,有人坐咗喺度,然後佢叫我唔好排隊,佢話『你坐啊,你有BB啊』,覺得好有愛啊。」

Jennifer表示自己已經知道了BB的性別,但見到身邊朋友不停在猜,她覺得好搞笑。(梁碧玲攝)

Jennifer表示由一開始陀BB都好舒服,沒有任何不適,她說:「舒服到有時我都唔記得咗自己有BB,我同啲朋友去行山啊,去行街嘅時候,我行得快過佢哋。就令到我身邊所有人都係好緊張,話『你小心啊,睇住啊』。」

Jennifer第一年派利市,她直言以前做小朋友時,會期待收利市,現在覺得自己終於變大人了。(梁碧玲攝)

Jennifer的丈夫陸政渡(Tim)一向非常低調,即使在結婚當日,余香凝在IG分享成為人妻的相片時亦只得自己一個,丈夫連影都不見,連12月宣布做父母的相片中,丈夫亦只見得側面,直到早前Jennifer罕有公開老公的神秘面紗,被問為什麼會突然想公開他的外表,Jennifer笑言︰「因為啲好嘢都要同大家分享吓嘅,唔可以自己睇嘅,咁我覺得我老公實在太靚仔啦,畀大家睇吓啦,哈哈。(之前好低調?)係啊,之前有私心囉,咁而家覺得佢都係BB嘅爸爸,都要同人Share,我都要學識同人分享嘅!」,言談間都要讚老公靚仔,果然甜到漏!

點擊下圖睇睇Jennifer和老公的靚相:

+42
+42
+42


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。