麥秋成爆跟湯怡婚事獲前女友祝福 蔡思貝反問︰做咩收得咁埋!

撰文:
最後更新日期:

麥秋成周四(18日)出席電影《狂舞派3》首映禮,他負責設計電影中所有舞蹈場面,他直言自己也未有看過製成品,今次的製作過程也令他感到緊張︰「因為第一套《狂舞派》咁成功,咁《狂舞派3》好多人都好多嘅期待,咁究竟啲跳舞會唔會唔同啊,內容係點呢?而家好期待啲觀眾嘅反應。」

麥秋成表示在拍《狂舞派3》感到緊張。(陳順禎攝)

麥秋成和湯怡(Kathy)早前突然宣布婚訊兼榮升父母,令不少網民感到完全「估唔到」,被問到麥秋成是否故意收埋,他直說︰「其實我哋唔係刻意收埋,我哋都有出去食飯,喺啲大街小巷食都有,但係我哋又冇刻意同傳媒朋友講,或者同啲朋友講,都係我哋自己好靜靜地生活,我不嬲都唔係將啲戀情去公開嘅。(朋友都唔知?)朋友知,所以我哋冇刻意去避忌,只不過大家唔知道咁解。」他透露會在今個月26日辦簡單的簽紙結婚儀式,他直言都辦得如火如荼,幸好他的弟弟是Wedding Planner,可以幫手教他怎樣做。

麥秋成透露之前一向愛吃甜的Kathy因懷孕連甜點都不愛吃,有時又會作嘔作悶,現在情況就改善了。(陳順禎攝)

被問到麥秋成和Kathy是計劃好結婚,還是有BB於是決定結婚,他甜蜜的說︰「其實結婚就遲定早㗎啫,都一定結㗎喇!因為我哋都認定咗對方,我諗呢個天意安排底下,都唔需要計前後喇,咁橫掂都係一齊㗎喇,咁一次過啦,幾好啊我覺得,呢個係一個Gift嚟。」麥秋成透露現在對Kathy呵護備至,他笑言︰「行出行入都照顧佢啦,太后咁樣啦!」現時Kathy懷孕4個月,麥秋成還自爆Kathy特地買了一本書給他看,預備做一個爸爸。他又直認前度蔡思貝也有恭喜他們︰「好好,佢打電話嚟(話)『做咩收得咁埋嘅!』非常之開心嘅一件事。」

+2
+2
+2

點擊下圖湯怡與麥秋成的靚相︰

+40
+40
+40


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。