林作現身拳館秘密特訓 坦言為錢先打:佢畀一百萬我就真係幾爽

撰文:
最後更新日期:

林作為錢應戰。(陳順禎 攝)

最近城中話題人物必定是林作與「富三代」鍾培生擂台之戰,話題越炒越大,鍾培生表明出一百萬給他作出場費,而林作亦決定應允鍾培生的挑戰。林作找來前世界冠軍向柏榮教他拳擊,林作表示這次機會相當難得:「佢畀一百萬我就真係幾爽,緊係為錢啫,畀十萬我都未必肯,但一百萬,普通香港人好難拒絕。」

林作直言拳套都唔識戴。(陳順禎 攝)

雖然林作從未練習過拳擊,但他對自己非常有自信,贏面也很高,「畀我有足夠時間我相信我冇嘢做唔到,但最緊要開竅,因為我真係唔識。我知道佢好熱誠,好欣賞佢,但我都可以操到好Fit。咁佢打第一次都需要4個月時間訓練,咁我都要大概呢個時間,不過都要睇師傅點講。(你好有信心咁喎?)做嘢點可以冇信心呢?因為你有信心未必贏,但冇信心一定輸。」

林作這次找來向柏榮教拳擊是因為同事介紹,聯絡向柏榮後便向應教他拳擊。(陳順禎攝)

如果收了一百萬之後,林作透露早已有計劃:「其實我本身打算用一百萬請人,依家佢等於送畀我,咁我多謝佢啦,但呢一百萬我真係拎嚟發展事業。」林作這次挑戰「富三代」鍾培生,他覺得自己是代表香港普通市民及一眾宅男們,雖然他知道自己未必是網民喜愛的對象,但認為今次過後大家會對他改觀:「佢哋自己都憎自己㗎啫,咁憎我咪即係憎自己,係鍾生角度我哋都係普通人。網民冇理由覺得佢同鍾生好傾啲呀,我覺得我同大家先係啱傾。我覺得我講好多嘢未必啱聽,但相信代表好多人心入面諗法。」

拳王向柏榮亦有到場。

網上亦有很多網友將二人背景作比較,坦言林作跟鍾培生沒有得比較,林作說:「我同意,完全冇得比,我好普通,我喺學校背景都最差,我好習慣呢樣嘢。」

林作認為這次拳賽是一件大事。(陳順禎攝)

林作備戰擂台搵前世界冠軍拜師 向柏榮仲有「轟炸機」之稱

點擊下圖睇成件事嘅來龍去脈:

+7
+7
+7


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。