林盛斌不忍太太被網民人身攻擊 公開護妻:喺我心目中已經係完美

撰文:董欣琪
出版:更新:

林盛斌(Bob)一向口才了得,更身兼主持、演員及娛樂公司老闆多職,撈得風生水起,事業成功的背後當然離不開太太的支持。Bob與老婆黃乙頤(Pearl)結婚多年一直恩愛,兩人育有四名子女,一家六口非常幸福。雖然Pearl一直專心照顧家庭,但近日有不少報道就將焦點放在她身上,更引來外界對她評頭論足,Bob今日(26日)就在社交平台發長文,公開護妻!

林盛斌與老婆黃乙頤(Pearl)育有四名子女。(IG@bob_lamshingbun)

Bob寫道:「最近,有幾個報導提起我太太,然後有好多網民留言評論,包括佢嘅外表同埋佢嘅工作,當然唔會全部都係一啲好好聽嘅說話,人身攻擊嘅有,無中生有嘅都有,好精彩。我太太的確唔係乜嘢大美人,佢只係一個普通女人,40歲,從來唔化妝,冇打針,冇整容,鬆動啲先去買兩件靚少少嘅衫着下,生咗四個小朋友,好努力照顧佢哋,亦安排好佢哋嘅起居飲食同所有嘢,私人時間就去學吓呢樣,做吓嗰樣,然後將自己嘅興趣發展成為事業,靠自己嘅能力同知識去賺取家用,而佢都仍然keep到宜家呢個狀態,喺我心目中,已經係完美。各位,搞我好啦,放過我屋企人啦,唔該晒!By the way,佢係瘦咗,又靚咗。」網民紛紛留言支持,大讚Bob嫂是一位好老婆!

+19

同場加映:胡杏兒童年與細仔Ryan似倒模 細數圈中餅印星二代完美複製樣貌

+53
發表評論...