專訪|鍾培生直認揀女友「樣靚身材正」係基本︰我係膚淺啲嘅

撰文:李婉文
出版:更新:

鍾培生這個名字,近日經常和林作連在一起,二人的拳賽令人關注,但撇開這些不說,外界對他的認識或許停留在「富三代」、「火爆」等字眼上。當日專訪地點是在他住的淺水灣萬呎豪宅的花園,單是花園這裏,可能已經比很多人住的屋大。訪談間,他雖直認自己是「贏在起跑線」,但他強調自己也有貼地的一面,無論是生活上,或是感情上,試過追女仔失敗,也不時被人hurt。
攝影、短片:葉志明
剪接:呂志豪

鍾培生這個名字經常出現在討論區,他表示︰「連登比較少(睇),我都會睇吓啲topic,內容就少睇。」各大討論區也會大概望望。(葉志明攝)

現年30歲的鍾培生家庭背景顯赫,祖父是「工廈大王」、華廈置業的創辦人鍾江海。而他自己早在22歲創便立香港電競公司,他的公司早於2017年市值已經超過上億港元,年輕有為。出身背景跟一般人不同,難免會給人離地的感覺。他自言自己「唔係好理人諗乜嘢」,兼自認「惹火」。

家境好,面對的可能是跟一般人不同的問題,鍾培生表示︰「一開始我都會prove自己嘅能力,所以無論我讀書、做運動、做生意,好多嘢我都會想prove我自己係靠自己,同屋企嘅嘢係分開。」意識到自己的不同後,他說︰「反而係更加感恩呢樣嘢,個天可以畀我去闖,與其(如果)我喺個環境唔好嘅地方出生,我根本就冇機會去start電競呢個行業,我一定要養家,呢個係好高風險嘅一個行業嚟㗎嘛,我一定要去打工,去養屋企,我而家係冇呢一個屋企人嘅負擔喺度,咁我可以做任何我自己鍾意做嘅嘢。(都真係贏在起跑線上?)係,就係因為贏在起跑線,所以更加要做更多嘅嘢。」

去年鍾培生上載一段跟嘉賓崔菲嫣搭直升機到西貢的片段引起熱話。(YouTube影片截圖@鍾培生Derek Cheung)
+26

究竟富三代的生活跟一般人有什麼不同?他直認絕對有不同的地方,「但問題係我都會食茶餐廳你又唔講?我都會食KFC,我都拍過條片食KFC㗎,咁KFC喺香港係人都可以access嘅嘢啦,我都會去IKEA食嘢,我都會去戲院睇戲,咁當然我有啲好luxury嘅生活啦,例如staycation我去總統套房,我搭直升機去西貢,咁問題係所有人會做嘅嘢我都會做㗎,係個生活標準唔同咋嘛。」有時鍾培生會把生活拍到YouTube片中,卻引來了指他「炫富」的聲音,他回應道︰「我做緊我自己啫!咁其實我出世已經係炫緊富啦,我拋頭露面出嚟講嘢,咁已經係炫緊富啦,我就唔係好care人哋點講。」

雖然生活可以富貴,但鍾培生指自己不一定要奢侈的生活,自己也不是花太多錢,「我用一部好舊,爛晒嘅iPhone,我送咗好多部新嘅iPhone畀大家,但係我用緊部舊機。我送電腦畀大家送最靚嘅,我係用一部2012年買嘅機,我部電腦嘅hard disk係256GB,仲細過部電話,所以我係好唔使錢喺自己身上。」他對生活上的要求不多。

講到跟家人的相處,鍾培生指小時候家人會對他有些要求,例如成績、入什麼學校,而家人也會在思維上管多一點,「我諗法同屋企有啲唔同,阿媽就會好想改變我諗法,而家大個都會有啲。」(葉志明攝)

鍾培生的感情世界也連帶備受關注,他拒談現在有沒有女朋友,明言不想討論。媒體曾報道他暗戀初戀十多年才一起,他澄清那位不是初戀,他的初戀是在15歲,而被他暗戀十多年的前女友,是他的理想結婚對象,戀情只維持了5個月,卻為他帶來了一個長情的形象,關於這位前女友,他不願多談,不想「消費」對方。但有關感情觀方面,他說︰「專一就睇對手㗎啫,你值得我專一,值得我好咪好囉!如果唔需要嘅,我咪可能會我行我素啲囉。」

鍾培生跟陳婉衡(Alycia)因合作拍網上節目而傳出緋聞。(Instagram@khdcheung)

講到身邊是否很多女生圍着他轉,他沒有正面回應,只說一句「你揀人,人揀你」,又說︰「我唔係好care嗰個人出身嘅,樣靚身材正就梗㗎啦,我會有要求嘅,但係可唔可以一齊進步係最緊要嘅嘢,我都會想有個人係解決到我問題,唔係增加我問題嘅女人,咁如果佢係可以解決到我問題,令我思維上有進步嘅,加上所有外觀,我係膚淺啲嘅,外觀係OK嘅,咁可以試吓囉,咁你唔會係人都OK㗎嘛。」他續說︰「咁一樣有個知書識禮嘅女仔,大家閨秀,咁佢都會有要求㗎,咁有要求冇問題㗎!」

鍾培生表示︰「我做嘅所有嘢其實係畀我啲members睇,我會盡量去明白佢哋需要啲乜嘢,去provide啲令到佢哋開心嘅content,咁至於你唔係我嘅members,我根本就唔係好需要去care佢嘅諗法囉。」(YouTube影片截圖@鍾培生Derek Cheung)

那到底是否有很多女生投懷送抱,他輕輕嘆一聲氣,說一句︰「邊有咁着數啊!尤其是而家咁樣影(被訪問),個個都咁樣諗,搞到冇人投懷送抱。」沒有人投懷送抱之餘,他直認不時會追女仔失敗,「係人都會失敗㗎啦!問題係你追得幾用力㗎啫,我對佢有興趣,佢對我冇興趣,咁咪停囉,咁呢啲算唔算失敗啊?但係你話搞場大龍鳳,日日約食飯,示晒愛咁樣,咁我亦都唔會去到呢個地步,因為我覺得如果佢唔識欣賞我嘅好,我亦都唔會作賤自己,去特登please佢囉,咁都唔夾啦係咪先?」他又認自己常被人hurt,自認專情,若果跟對方進步的步伐不一樣,就跟他的期望有落差,會感到受傷。

鍾培生透露他家是「積善之家」,爺爺也是匿名做善事,或者用太爺的名義,因而培養到他多做慈善,回饋社會的品格。(葉志明攝)

專訪當日剛進行完「鍾林大戰」記者會,記者會在戶外進行,不時下起毛毛雨,不停接受訪問的鍾培生卻非常關心記者和攝影師的器材,立即叫人幫忙照顧,雖然有「惹火富三代」之稱,不過看來私底下的他,也不是如此火爆,反而有識做又細心的一面,照理應該有好多女生「埋身」?

點擊下圖重溫記者會當日和其他專訪照片︰

+9

點擊看鍾培生YouTube頻道的約女系列:

+29
+11
+3

同場加映︰盤點圈中14對撞樣夫婦 林峯、張馨月愈嚟愈有夫妻相

盤點圈中14對撞樣夫婦 林峯、張馨月愈嚟愈有夫妻相
+24
發表評論...