戴祖儀近距離觀摩馮盈盈江嘉敏交鋒? IG貼食花生片網民錯重點

撰文:葉詩
出版:更新:

無綫(TVB)當家小花之位競爭激烈,無論是資源還是人脈都是重要戰線,去年6月傳出馮盈盈(Crystal)、江嘉敏(Kaman)之間因為何猷亨有份出席的「富豪船P」,令不和傳聞傳得沸沸揚揚,更令這對昔日好姐妹擘面。事隔大半年二人為新節目《解構心機女》擔任主持「被迫」合體,因為一杯珍珠奶茶和一張合照隔空單打大戰360回,火花四濺程度可想而知,同為節目主持的戴祖儀(Joey)周五(12日)就上載一段食花生的影片,似乎語帶雙關。

點擊圖輯重溫Crystal與Kaman昔日姊妹情+最新尷尬合照:

+18

戴祖儀在個人IG寫道:「能夠於工作中大食花生,人生好極!見到咁多男仔女仔花盡心機去令人喜歡自己!真係好好睇好多花生學到好多嘢呀!大家千祈唔好錯過啦!#我真係好耐未試過拍節目笑到咁痛苦 #連續笑咗10個鐘啊陰公 #依一個禮拜如無意外都唔好引我笑唔該 #我真係唔想再大笑真係好辛苦 #今次呢個節目大家真心要睇 #因為真心會學到野 #同埋真心好好笑 #同埋花生梗係要請埋大家食」

點擊圖輯觀看戴祖儀更多靚相+最新肚腩仔!

+45

戴祖儀又透露影片角度抄考於FYY(馮盈盈)大師,不過就有眼尖網民驚覺一向Fit爆的Joey身材走樣:「肚腩仔好搶鏡」、「肚腩好肥美」,Joey接受《香港01》訪問時便極力否認體重失守:「錯覺嚟嘅啫!係件衫、坐姿、後邊個枕頭嘅問題!咁明顯嘅福利片!竟然都有人留意到我嘅肚腩!佢哋實在太錯重點啦!」其實早在3星期前,Joey曾指自己「粗略估計大概有五個月肚」,不過她為拍戲就勤力操練:「唔好話5個月,24個月都要減到!」