勁歌金曲︱張敬軒感慨近年樂壇山頭文化盛行:係時候同心去做啲嘢

撰文:
最後更新日期:

張敬軒今日(9/3)現身無綫電視城,為新一集《勁歌金曲》錄影,這也是他睽違兩年多後再度亮相節目,連高層何麗全及樂易玲都特意現身探班。

張敬軒笑指感覺上,距離上次現身《勁歌》沒有很久,只是因為這段時間都沒有出唱片,直至今年初才推出新專輯《The Brightest Darkness》,當中主打歌《俏郎君》更在本周「勁歌金榜」穩守亞軍位置,他承諾:「跟住喺音樂方面都會Active啲,都會多啲表演、唱歌機會。」

至於張敬軒近月搖身一變成為早餐界KOL,他笑言:「雖然呢段時間我出街,大家問『遮遮』多過問我啲歌,但呢個只係我生活嘅一部分,音樂始終係大家認識張敬軒嘅渠道。」(陳順禎攝)

張敬軒上月在IG直播曾坦露心聲,慨歎樂壇四分五裂,出道19年的他感受甚深地說:「呢幾年行內都有種各自有自己山頭、各自做自己嘢嘅感覺,其實10年前無論音樂節目,抑或公司同公司間嘅合作都好頻密,呢幾年跨公司嘅合作都比以前少咗,經過疫情大家都覺得係時候同心去做啲嘢,例如最近嘅『音樂永續計劃』都好好,希望今年樂壇百花齊放。」

張敬軒自言屬較傳統的歌手:「希望可以喺中間(網絡、電視)攞返平衡、亦開拓多啲平台,無論係畀自己、或者後輩都好。」至於「山頭文化」使後輩歌手宣傳平台減少,會否對此感可惜,張敬軒說:「雖然少咗平台去宣傳自己,但新一代嘅歌手有啲嘢係我哋當年冇,佢哋嘅自主、喺網上諗各式各樣宣傳辦法,都因此多咗創意。」他特別提到為《Sweet Escape》填詞的Delta T(蛋撻頭):「佢啲MV就係好懷舊嘅方式去拍攝,但又好有香港情懷。」他又表示要跟他們這類歌手和組合學習:「好多本地嘅獨立廠牌用好低Budget,拍到啲好有心思嘅MV,充滿,同年輕創作者合作都會有新Input。」

+4
+4
+4

談起曾志偉近月獲邀回巢無綫任副總經理,首要任務就修補了與三大唱片公司的關係,禁絕星夢獨大的情況,對此張敬軒表示絕對是好事:「喺市道唔好嘅時候各行業經歷嘅考驗都唔同,有段時間會自己顧自己,而志偉哥就令大家Reunion。至於樂壇利益上暫時未解決嘅矛盾,一定會有方法解決,前提係大家都有呢份心;今次有更多歌手返TVB表演,好似志偉哥當年主持『勁歌頒獎禮』嘅感覺,好多回憶返咗嚟。」

同場加映:張敬軒「遮遮」災難式「美食」出現第二位受害人 早餐宵夜一樣樣

+43
+43
+43


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。