李佳（佳佳）今日（26/2）現身中環出席《Date with Miranda Lee 佳佳有約演唱會》記者會。佳佳接受《香港01》訪問時表示：「今次呢個演唱會，係我入行3年嘅第一個演唱會，其實籌備呢次嘅演唱會，由我哋上枱一刻開始傾，我哋係用咗兩個星期多嘅時間就完成。搞呢次嘅演唱會我有好多嘢都唔識，變咗不斷咁去請教人哋。搞呢次演唱會點都有啲壓力，始終都會擔心呢樣做得唔好，嗰樣唔好，變咗呢排都會瞓得唔好，成日都會好多嘢諗。（賣飛有冇壓力？）其實點都會有啲壓力，會諗啲人會唔會嚟呢？雖然有好多人話鍾意你，但你係未必知係唔係，唯有到嗰日先知係咪會滿座，變咗自己個心裡面會有個問號。」