財政預算案｜修定2元乘車優惠10元以上2折　吳大強︰一定有影響

吳大強今日（26/2）現身中環出席《Date with Miranda Lee 佳佳有約演唱會》記者會。提到今早財政司司長陳茂波，於立法會會議廳發表 2025/26 年度《財政預算案》中，修定俗稱「2元乘車優惠」的「長者及合資格殘疾人士公共交通票價優惠計劃」，受惠年齡、資格維持不變，但會限定每月240程，10元或以下車資，繼續收每程2元，10元以上車資改收2折。

現年72歲吳大強接受《香港01》訪問時表示：「其實240程對我嚟講絕對足夠，因為好多時間我都係揸車，但如果俾啲老友記呢，暫時應該係足夠嘅。（會否減少老友記搭長途車？）我諗都會㗎，相信一定會有影響。但我相信政府已經做咗好長時間嘅研究，先有咁嘅決定，但我就覺得應該試一試先，然後再作出檢討，我諗大家都行一步，再睇吓點，如果真係唔得，政府都應該會修改。」