龔嘉欣今日（15/5）現身將軍澳電視城出席無綫全新綜藝節目《一日打工限定》的宣傳造勢活動。嘉欣接受《香港01》訪問時透露她在節目中從事通渠工作，要在臭氣熏天的環境工作，過程十分艱巨：「當初以為通渠工作只是簡單疏通渠管，未諗到原來要到村屋的住宅清理糞便。」

她回憶道：「喺吸糞嘅過程中，味道非常難聞，同行嘅師傅叫我打開渠蓋，但冇提醒我會有大量曱甴會湧出嚟。當我一打開渠蓋，曱甴係咁湧出，真係嚇死我。同埋見到好多紙巾喺糞便表面，師傅教我用『搞屎棍』將糞便攪鬆，會方便吸走。」

嘉欣又指剛開始工作時並沒有戴口罩，但為了衛生問題最後還是戴上了口罩，雖然如此，仍然聞到濃烈的臭味。她表示：「當時真冇諗太多，只係想盡快完成任務離開現場。完成工作後，我上咗同事架車離開，同事話我身上成浸屎味，好難聞。當時我自己完全係聞唔到。後來同事話返俾我知，佢架車係持續臭咗三日。」