謝東閔（Brian） 去年約滿離巢無綫，外闖發展。除了打理音樂學校和接洽登台演出外，近來更積極經營社交平台，頻頻拍片與粉絲互動。而日前，他上傳一條壽司探店影片，大啖美食之餘，網民發現他着穿窿衫，經濟狀況惹人憂慮。不過有眼利網民發現T恤是著名品牌，並指出價值4千元。

今日（11/7）謝東閔現身尖沙咀出席新店開幕活動，就事件接受《香港01》訪問時表示：「其實件衫穿窿係個款式嚟嘅，近排我買衫都係揀呢啲款，因為興啲殘舊款式。（網民話件衫成4千蚊！）唔知呢。其實嗰個牌子我係喜歡嘅，有時候一季就買少少囉，因為我平時都好少消費，咁所以我就好似陳山聰咁鍾意買衫，變咗大家都會交流吓。咁我一季買一兩件都唔過分嘅，同埋嗰件衫我係着咗兩年。其實我係好貪靚，我係好鍾意時裝呢樣嘢。」