黃瀅仴和湯之欣今日（8/9）現身電視城出席TVB Plus《直播靈接觸》拜神。提到踏入農曆7月鬼節有不少市民會按傳統習俗燒街衣。近日有網民在旺角砵蘭街路邊拍下有人佔用行車線，在路邊燒街衣，當中排有數個用鐵絲捲成的圍網，現場火光熊熊，大火到令人「以為縱火」，而現場亦見到數名消防員在場了解或戒備，有網民大爆離譜，事件引起熱議。

黃瀅仴接受《香港01》訪問時表示：「可能呢個節目令到好多觀眾接觸呢啲嘢多咗，變咗佢哋對呢啲傳統文化都重視咗。同埋都見到網民留言都話連消防員到場之後，都唔夠膽阻止，因為始終寧可信其有 ，不可信其無。同埋如果我見到，都唔會望，我係會當睇唔到就行過。同埋如果要燒街衣，盡量唔好影響到其他人嘅情況下去做，同埋記得唔好遺下火種。」

湯之欣接著說：「我阿媽都同我講，如果喺街上見到人哋燒衣，都唔好特登企喺度睇，最好當見唔到，同埋千祈唔好講嘢。」