張與辰昨晚（15/9）現身電視城出席TVB Plus《直播靈接觸》宣傳造勢活動。張與辰接受《香港01》訪問時透露， 小學2年級已經有陰陽眼，經常會見到靈體：「其實細個嘅時候，見到都知嗰啲嘢一定唔係人嚟，但就唔知見到係好定唔好，因為有啲會話我見到嗰啲可能係神，但我就會覺我冇理由吖，因為佢會嚇我喎。」

張與辰續說：「佢哋會無端端突然喺我面前出現，每次咁樣出現，我真俾佢哋嚇到㗎。但喺3年前我有信仰之後，我同我嘅牧師傾過之後，了解咗信仰之後，同埋我成日見到鬼嘅係咩事情，結果之後我做咗個禱告，決定封眼，唔再有呢個機會俾嗰啲嘢接觸我。」

此外張與辰透露日前差點中暑暈倒，幸慶及時休息補水點復過來：「呢排因為要綵排舞台劇，又要做其他工作，體力開始透支。日前在烈日當空下工作，突然感覺到唔舒服，有中暑嘅跡象，即刻補水，同埋食止痛藥，然後加埋休息先至無事。」。