內地網絡媒體近日進行「2025年媒體好感度」問卷調查，向60位同行發放，佘詩曼脫穎而出，成為唯一入榜香港藝人。 榜單前五名包括肖戰、白鹿、王鶴棣、李蘭迪及宋威龍，阿佘以首位四屆視后身份，證明港圈藝人實力。

佘詩曼成為內地媒體好感度榜單唯一香港藝人，彰顯其跨地區超高人氣！她今日現身尖沙咀出席珠寶品牌活動。接受《香港01》訪問時親口回應，謙虛表示：「好開心，都好多謝各位傳媒嘅欣賞啦，我都係做好嗰份工啫！」

被問到平時訪問是否已經有一套心得？佘詩曼表示：「其實如果有得準備嘅，我都會做準備嘅。咁但係有時係即興嘅訪問，咁好似而家咁就冇得準備。但係盡量答到你哋想問嘅嘢。（有人要求合照，是否有求必應？）我都盡量嘅 ，因為其實都係人哋中意你，先會搵你影相，但係有時個樣真係好殘嘅時候，我就會問佢哋有冇美顏相機，不過盡量都影嘅。」