因一首《風生水起》，合作無間的農夫與麥玲玲，又再次合作，今次是合體為海味品牌拍攝賀年廣告，玲玲師傅爆：「佢兩個近來接多咗好多廣告，酬勞仲收得好好添！」

麥玲玲、農夫拍攝期間笑聲滿滿

農夫即時搶白︰「你拍開，多得你關照我哋啫，但點解依家我哋先第一次拍？係咪以前你幫我哋推晒？定開得個價太高？」說罷正式道：「今次酬勞滿意，最緊要食得好，任食鮑魚喎，仲要唔停咁食喎！」拍攝期間，「三師徒」嬉鬧不絕，現場滿滿的歡笑聲，工作人員要不斷忍笑！

麥玲玲任農夫巡迴演唱會常駐嘉賓

除廣告賺到滿堂紅，農夫也即將在國內展開巡迴演唱會，當然繼續請鎮台之寶玲玲師傅任常駐嘉賓，但就大嘆：「佢（玲玲）好難度期囉！」說到也將聯同張繼聰開「人夫演唱會」：「到時你（玲玲）又嚟客串下，最重要佢買得多票，本身都買得多，做嘉賓買得仲多呀，一場買成過百萬（門票價值）㗎！」