《致命復活》結局5大騎呢位 神奇石仔敲斷鐵鍊救德斌
撰文：何志衡
出版：更新：
做盡壞事的黃德斌最後為了保護萬綺雯而自殺，臨死仍不知最愛的人才是主謀。
睇完《致命復活》大結局，郭晉安叫做復仇成功，原諒了終極boss萬綺雯，黃德斌有利是收，算是happy ending，而預言的另一個結局，是在片尾閃了幾下片段，講郭晉安還是10年前被困山洞的樣子，撲向鐵爛，你覺得是真是假隨你想像。
成套劇都算收貨無爛尾，不過有5大騎呢位的確唔太合理。
萬綺雯為逃避郭晉安，竟然連仔都唔要。（電視圖片）
騎呢位1：
在工廠捉黃德斌失敗，郭晉安即敗走逃上住宅區走廊，黃德斌看到郭晉安露出黑色外套的手臂，於是拿刀步步趨前，點知郭晉安中途撲出更將黃德斌推落樓，原來他看到的是朱晨麗所扮。奇就奇在，郭晉安怎會估到計劃失敗，又識得預先安排朱晨麗幫手呢？
騎呢位2：
王浩信去到荒島想阻止郭晉安殺黃德斌，竟然拿出手機想報警，荒島都有signal，真係Signal Wong至做到。
騎呢位3：
萬綺雯同朱晨麗趕到山洞，見黃德斌被大鐵鍊鎖住，竟然用石仔想敲斷鐵鍊，竟然又被她們敲斷救出黃德斌，郭晉安都磨咗10年至斷喎，莫非那石仔是鑽石？發達喇！
騎呢位4：
終極Boss萬綺雯令郭晉安被困10年，又話唔想郭晉安傷心所以要保守自己是主謀的秘密，但轉個頭又突然錄音爆出一切，女人心事真是難測。
騎呢位5：
成個故事害死咁多人，但王浩信、朱晨麗依然當郭晉安係老友，又保護黃德斌，世界上真是有如此大方的人嗎？
萬綺雯用石仔係咁意敲條鐵鍊就斷咗，咁郭晉安嗰10年咪好冤枉！
王浩信在荒島想用手機打電話，用邊個網絡咁犀利？
所謂另一個結局，就是最尾郭晉安仍是披頭散髮的樣子撲向鐵欄，其實可以當無睇過。