口罩小姐｜黃德斌澄清與舊愛偷食傳聞：清者自清，我唔需要避忌！
撰文：林迅景
出版：更新：
黃德斌周日晚（11/4）為ViuTV《最後一屆口罩小姐總決賽》擔任評判，不過傳媒的焦點卻不是他對口罩小姐的評審標準，或者他的心頭好，而是近日發生的「密會中女清水灣放狗」事件。他日前被拍得與舊愛一起在清水灣放狗散步，更惹出「偷食」疑雲，而今日他接受《香港01》訪問就解釋了其中的誤會。
被傳偷食，黃德斌表示都幾無奈。（梁碧玲攝）
黃德斌：「冇咩特別，因為太太知道佢係我經理人，佢知我成日都喺嗰邊跑步，嗰日橫掂都要做運動，佢就拖埋隻狗出嚟，因為都有工作上面嘅傾，又唔知搵咩地方，咪一路行一路傾。」
黃德斌和太太於2018年結婚。（Facebook圖片）
對於報道出街後，被網民指摘他「偷食」，他就感到有些無奈：「冇㗎啦，冇辦法，但係清者自清，你要咁講我都冇辦法。」又說想不到大家會這麼關注：「估唔到去到今時今日，大家都會留意呢啲新聞。」以後與經理人傾公事會避嫌？他回答：「我諗冇乜嘢唔需要避忌，避忌即係有嘢啦。（行得正企得正？）係啦，如果唔係都唔會喺咁開揚嘅地方（散步），佢哋要咁做都冇辦法，但係盡量唔好嚇到（我太太）。你問我點，我梗係唔高興啦。」
+14