愛美麗狂想曲|邱晴年初正式離巢 收入大減仍無悔:自由度大咗

撰文:
最後更新日期:

在TVB劇集《愛美麗狂想曲》中王麗美(李佳芯飾)同Matt少(陳豪飾)明明情投意合,但總是時機不對,未能有情人終成眷屬,不過在今晚(16日)播出的一集中,Matt少終於向王麗美表白,當然這都全靠軒軒(黃庭鋒飾)同豆豆(邱晴飾)「神助攻」!雖然邱晴(Mandy)今次戲份不多,但陽光又甜美的笑容亦令觀眾留下深刻印象。Mandy在接受《香港01》訪問時亦表示今次同陳豪合作獲益良多:「初初接到嘅時候好緊張,到現場後因為佢超級nice,雖然個樣好似好惡,但佢把聲好溫柔,所以好開心可以同佢合作。」

邱晴(Mandy)在劇中飾演Matt少(陳豪飾)的表姨甥豆豆。(電視截圖)

+22
+22
+22

Mandy在2017年參選港姐時被封為「嫩版李珊珊」。(資料圖片)

現年21歲的Mandy在2017年以17歲之齡參選港姐,成為當年最年輕的參賽佳麗,更因為被封為「嫩版李珊珊」而備受關注。雖然Mandy最後無緣五強,但就獲安排入讀藝員訓練班,之後更簽約TVB成為「親生女」,翌年開始主持兒童節目《Think Big天地》,成功累積了不少人氣,除了擔任兒童節目主持之外,她還在節目《美女廚房3》中擔任「美女學徒」,又有客串劇集,她直言收入不俗:「我未入行前係窮㗎,一個剛畢業學生,當時就係冇錢,入咗無綫做嘢都幾好,係試過有接近五萬人工,但唔係經常啦。」

Mandy曾主持兒童節目《Think Big天地》。(資料圖片)

Mandy在處境劇《愛.回家之開心速遞》中客串飾演「傻強」的女朋友。(電視截圖)

不過去年5月Mandy改簽「一年一騷」合約,希望出去見識一下:「當時有計劃去台灣讀書進修,想增值自己,所以當時決定離巢。不過未報名,疫情大爆發,暫時擱置咗。」當時她曾表示沒有固定收入,所以要慳錢,更有指她簽約新經理人,成為樂宜(Lokyii)及日本AV女優濱崎真緒的師妹,但Mandy就表示現時是自由身:「我依家冇簽任何經理人,工作係自己接,多數係網上廣告,或者同YouTuber合作。」而Mandy在去年年底亦有拍攝ViuTV綜藝節目《家務戰場》,但今年1月她還是正式離開TVB。

Mandy在節目《家務戰場》中煮嘢食。(影片截圖)

Mandy曾在2019年台慶節目中抽中52萬現金大獎,而這筆獎金亦幫補了不少:「當年無綫台慶我拎咗大獎,之後媽咪幫我投資,Keep住一家人暫時夠食,當然唔係大魚大肉,慳住夠。(投資邊方面?)我媽咪咪就係師奶仔,買吓股票、買下金,我都唔清楚佢點搞,畀咗大部份獎金佢投資,之後屋企成日有靚湯飲,成日有魚有肉食咁囉。以前佢成日話食海鮮貴,依家佢得閒買斤蝦、買條靚魚,我最鍾意食魚,佢咪有錢餐餐買魚,我都讚佢投資有道,不過佢話都係賺餐餸,佢賺到餐餸好叻㗎啦。」雖然收入不及以往,但Mandy就直言不後悔:「人生冇嘢值得後悔嘅,每個人都係向前看,積極生活,我依家自己接工作,感覺唔錯,自由度大咗。」畢竟Mandy才21歲,形象甜美又肯搏肯捱,未來絕對可以創一番事業!

+46
+46
+46


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。