林夏薇冇時間睇ViuTV 撐TVB大把高質節目：咁多我都睇唔切
撰文：賴家杰
出版：更新：
TVB真人Show節目《好聲好戲》今天（19日）節目進行錄影，林夏薇（薇薇）獲邀出席擔任評判團，薇薇笑言亦會抱有學習心態來到這個節目：「因為之前有接觸過配音工作，真係覺得配音老師好犀利，要好考專注力、觀察力、想像力，真係好勁。」
薇薇希望若有機會擔任配音工作，直言想聲演奸人。（梁碧玲攝）
另外近期薇薇在疫市之下，她的飲食事業決左繼續擴張，這是第十六間分店，提到投資了多少金錢，薇薇表示不透露了：「最近有啲忙最近，因為疫市相對租金係平咗，如果地方啱同合適嘅話，重點要租金平，可以繼續開，咁可以令經濟持續增長。」
薇薇希望將來可以有多點唱歌機會。（梁碧玲攝）
最近TVB與ViuTV競爭激烈，薇薇覺得良性競爭是好事，同時亦賣口乖說：「TVB都有好多好嘅節目，最近我都有追《尋人記》，我睇完我都搵返我幼稚園啲相，好想知道當年企我隔離嘅同學仔依家點呢？呢個係觸動到我。（有留意對家節目？）我哋公司咁多好節目我都睇唔切，有時間都可以睇下嘅，但最主要都係良性競爭係好事。」
點擊睇更多豪宅內部
+41