ERROR神還原《老夫子》冀拍處境劇 阿Dee:撼《愛.回家》係其次

撰文:葉詩
出版:更新:

ERROR成員193(郭嘉駿)早前隔空反擊無綫(TVB)副總經理曾志偉後人氣急升,其IG追蹤人數超越MIRROR人氣王姜濤,亦帶挈《花姐ERROR遊》及《ERROR自救TV》等節目重歸ViuTV Top10最多觀看節目,日前《ERROR自肥企画》發布預告,在短短不足一天內已吸逾萬讚好,連登討論區周五(23日)出現一則熱門帖文,提議ViuTV與《老夫子》作者王澤合作,將漫畫拍成30分鐘處境劇,硬撼無綫王牌處境劇《愛.回家之開心速遞》,並由ERROR成員擔綱主演:阿Dee(何啟華)飾演老夫子、肥仔(梁業)飾演大番薯、193飾演秦先生,而暫被雪藏的保錡能否演出則視乎其表現,此帖引起網民熱烈和應,紛紛敲碗希望能成事。

點擊圖輯睇網民預想ERROR演《老夫子》角色分配:

+25

阿Dee接受《香港01》訪問時坦承看到角色分配時十分驚喜:「從來都冇諗過《老夫子》其實咁適合我哋,大家咁用心改圖引到我都笑,已經想像到ERROR去扮會幾搞笑,相信ERROR亦都非常樂意去做。」他十分認同網民的角色分配,又不忘自嘲:「我啲隊友成日都笑我冇乜頭髮,老夫子呢個角色本身又冇乜頭髮,我諗自己喺呢方面都有啲天份。」

阿Dee十分認同網民的角色分配,又不忘自嘲:「我啲隊友成日都笑我冇乜頭髮,老夫子呢個角色本身又冇乜頭髮,我諗自己喺呢方面都有啲天份。」(資料圖片)

提起隊友保錡暫被雪藏,阿Dee又不忘兄弟,希望保錡能飾演所有奸角:「《花姐ERROR遊》保錡講過:『經過七七四十九難就可以成為悟空』,佢而家都經歷緊一啲難,而《老夫子》裡面嘅奸角通常都瀨嘢,呢啲劫難能令佢成長得更好,終會成為孫悟空。」至於《老夫子》中另一要角陳小姐,網民紛紛推舉與ERROR化學作用極佳的經理人花姐(黃慧君),不過阿Dee內心就屬意沈殷怡(Shirley):「我覺得佢真係幾符合、又有睇頭,劇集都需要啲靚女擔當,同公司又易搵,我個腦暫時得佢一個人選;花姐就唔好搞,佢老人家都攰喇,叫佢拍劇最後受難嘅都係我哋四個,佢專心做經理人同籌備節目啦。」

點擊圖輯睇Shirley靚相!

+51

阿Dee續指會主動向公司提議:「不過都好睇原作者(王澤)嘅睇法,佢願唔願意畀版權ERROR自由發揮,公司又係咪願意買起版權。我覺得《老夫子》代表咗某個年代嘅價值觀,套落現代社會都會產生好有趣嘅矛盾;加上《老夫子》有年輕版、老年版,而青年版的確空白咗,所以有無限嘅創造空間,玩穿越又得,希望可以令大家重新認識非常有代表性嘅本土漫畫。」

王家禧(右)(筆名王澤)筆下的老夫子,陪伴不少港人成長。(網上圖片)

至於有網民提議以處境劇形式硬撼無綫王牌節目《愛.回家之開心速遞》,阿Dee就指此非為重點:「撼唔撼《愛.回家》係其次,做創作最緊要有訊息,而《老夫子》嘅背景可以帶到好多訊息畀香港人,而最緊要就係提供到歡樂,就咁望外形已經笑,我自己都笑,如果我真係有機會演《老夫子》,我諗現場拍都會不停NG笑,我覺得呢個係向本土娛樂致敬嘅作品,希望有呢個榮幸。」