逐流時代｜麥明詩拒回TVB拍劇：一年嘅假唔係咁多
撰文：葉詩
出版：更新：
麥明詩（Louisa）與麥子樂周五（30日）出席亞洲心動娛樂（AMM）出品、戚其義監製新劇《逐流時代》拜神儀式，這也是她轉職律師後久違公開露面，她更指今次為拍攝更與公司請了十多天年假：「本身好仰慕戚導，今次係好挑戰到我作為演員嘅一部劇，雖然我之前擺低咗演藝事業，但演員仍然係好吸引我嘅藝術，都好有興趣繼續發展、陶冶性情都好。」
點擊下圖觀看麥明詩是日靚相：
+9
今次擔正做女主角的Louisa直言要在有限時間內完成拍攝對體力要求頗高，不過她就十分享受過程：「今次嘅拍攝模式同以前喺電視台未必一樣，好多時我哋演員會坐低一齊傾場戲，導演監製都會一齊傾想件事好，咁樣好爽。」問是否與在無綫（TVB）感覺不同？她說：「以前嘅製作模式唔一樣，每個監製風格都唔一樣，資源唔一樣、時間限制唔一樣，做演員好在可以體會唔同方式嘅拍攝。」
提到今次在劇中有泳衣戲份，Louisa笑說：「我三番四次要求延遲，因為覺得自己體態未達標。」（陳順禎攝）
問起會否有想法回無綫拍劇，Louisa即落閘：「應該都唔會，我嘅意思係暫時都唔會再拍劇，唔關邊個電視台事，限制在於我嘅重心仍然喺我嘅正職工作，我好享受呢個狀態。大家都明白打工仔，一年嘅假唔係咁多，如果有其他機會都要再等啱嘅時機。」
談起親熱戲份，麥子樂直言二人比較着重內在交流，留待觀眾在劇中觀看。（陳順禎攝）
問起Louisa感情事，她就說：「追求者不嬲都多！不過坦白講呢幾月真係一啲拍拖時間都冇，我真係連見爸爸媽媽嘅時間都冇，始終日日都要開工，又要處理好工作上嘢，都係想抽多啲時間陪屋企人先。」至於鍾培生將與Louisa的前度林作有場擂台賽，而鍾早前更直認以6位數邀請Louisa擔任拳賽嘉賓，不過她就拒去現場睇拳賽：「暫時見唔到呢個可能性，我自己都好忙，作為娛樂有興趣睇嘅，喺電視轉播幾好，我又唔使特登去。」