逆天奇案|陳展鵬曾跟陳奕迅同台 觀眾聽完Eason即閃:實力懸殊

撰文:
最後更新日期:

無綫劇集《逆天奇案》於周二(11日)舉行宣傳活動,男主角陳展鵬出席為劇集造勢。展鵬對上一套出街的劇已經是三年前的《天命》,他自言今次劇集出街又期待又有壓力,因為頭幾集他的戲份較重,他續說:「你問我,我係有信心嘅,你問好唔好,每個觀眾嘅睇法見仁見智,但係起碼拍呢套劇嘅時候,有返自己香港嘅特色同節奏,有返大家鍾意睇港劇個感覺。」

展鵬為劇集《逆天奇案》宣傳。(葉志明攝)

展鵬坦承自己也希望先照顧香港觀眾的「煲劇」口味。他直言:「你問我,我哋唔拍港劇,冇乜人拍㗎啦,會消失,會冇咗港劇。我希望例如好似音樂咁,廣東歌,唔再唱嘅時候,就唔會再有廣東歌。」談及網民認為TVB拍多警匪片,展鵬承認的確是有好多類似片種,但他覺得這是香港的文化之一,他說:「點樣可以有一啲新嘅題材,同埋新啲嘅切入點。」他表示自己之前拍下來未播的劇,除了這部外,其實其他劇也是與警察無關的,他強調:「 其實警匪片係應該要拍嘅,但係真係要大家諗吓點樣可以畀啲有返啲質素嘅畀觀眾睇。」例如今次的《逆天奇案》,在細節上也跟以往的有不同。

展鵬表示港劇的節奏明快,是一大特色。

又例如不少網民批評無綫的劇集不夠「貼地」,展鵬承認有時也會這樣想,但「貼地」與否其實是取決於生活的品味等等,「但係當然我哋電視劇都希望帶多啲大家鮮為人知嘅嘢畀大家睇。電視劇同電影一樣,如果好嘅電視劇係應該帶到個空間(畀觀眾),呢個係幻想空間,你睇西片,佢都有個幻想空間,佢都唔貼地㗎,但係點解佢都可以吸引到你去睇呢?係因為佢成個拍攝技巧同埋個認真。到而家呢一刻我都永遠覺得,其實冇一個演員係演一場戲係完美嘅,或者呢一套戲係冇破綻嘅,咩對白係最好嘅,但係我哋希望喺我哋個拍攝過程裏面係認真,同埋用心、用力,觀眾係睇到嘅。」

展鵬覺得警匪片是需要有的,但可能要在不同細節有變化。(葉志明攝)

展鵬近來重投樂壇出歌,近來他接受其他傳媒訪問時,講到試過緊接着陳奕迅(Eason)的演出出場,但有觀眾聽完Eason唱歌後就離場,他直言是真事,「因為實力太懸殊,當年Eason一出場(指:出道),佢已經係好有實架㗎啦。我印象中Eason新秀比賽嘅時候,唱學友嘅歌,已經outstanding得好緊要,所以觀眾其實咪就係識聽嘢。」他回想自己一出道時的歌曲大多是營造個人形象,而沒有太多要帶出來的訊息或感情。他又說:「其實呢件事有時自己係會驚咗,但都可以認清楚自己,唔係話你做歌手出到嚟,就一定有人睇,如果唔係你玩晒啦!我覺得要清楚當時點解自己會咁樣先,係咪真係好多不足先,你有冇真係聽返自己唱歌先,所以其實係一個好好嘅進步空間。」他覺得最緊要是有心去進步和學習,與時並進。

展鵬希望照顧多點香港觀眾的口味。(葉志明攝)

同場加映:陳展鵬動作戲連場大顯身手 多次挑戰極限唔止跳天台

點擊睇有幾勁:

+37
+37
+37


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。