940920︱取消台灣取景劇本要大執 導演Steve:咁我哋就拍好香港

撰文:葉詩
出版:更新:

由羅嘉駿(Steve)監製兼導演,黃智揚(Yellow)編審,劉俊謙、吳海昕主演的ViuTV純愛穿越劇《二月廿九》在拍攝上像日本電影般唯美,令本地觀眾耳目一新,劇集更於新加坡Asian Academy Creative Awards勇奪香港區最佳劇集,觀眾迴響不俗令劇集一早敲定會開拍續集《940920》,並於明年2月28日播出。《940920》原定到台灣取景,由於當地疫情嚴峻,起行日子一改再改,周六(29日)Steve就貼上一張維基「不可抗力」定義的照片,忍痛宣布取消出埠拍攝的計劃。

點擊圖輯睇《二月廿九》精美劇照:

+41

【二月廿九.劇評】力證刀仔可以鋸大樹 TVB再故步自封就係咁先

Steve無奈改變原定出埠拍攝的計劃:「發明呢個字(不可抗力)嘅人,應該覺得人生有好多嘢都係不可抵抗。命運有時就係整定咗,係無得揀,無得反抗。我哋拍《二月廿九》嘅時候好幸運,12月中拍完北海道,1月全球疫情蔓延,如果我哋遲一個月都分分鐘拍唔成。當時我仲好天真咁覺得,SARS(沙士)咁大件事一年半載都完啦,今次都應該好快完嘅。OK,《940920》繼續出埠,今次拍台灣!半年過去,疫情無受控,我哋決定推遲拍攝期。再過半年,台灣開始每日幾百宗確診,全面暫停工作簽證。我哋遇上咗不可抗力,可能係天災又可能係人禍,總之結論係我哋出唔到埠,無得反抗,no bargain。」

點擊圖輯睇《940920》預告:

+18

Steve選擇以樂觀的心態面對:「既然個天想我留係香港,咁我哋就拍好香港,做好本土電視劇。個劇本要大改,但我哋唔會再延期,照舊9月尾開拍,2月28號播映。我好相信上天幫我嘅選擇,每次我眼見唔好嘅事,到最後都會證明佢係揀得啱嘅,我諗今次都係。或者喺另一個平行時空無肺炎疫情;《940920》可以喺台灣取景;香港人仍然係香港人……但都係個句,唔到你揀,煮到埋嚟就諗下點食啦。」忠實觀眾亦為劇組打氣:「辛苦曬世界第一嘅創作團隊」、「唔去台灣,留喺香港拍更有親切感!」

二月廿九︱導演羅嘉駿冀跳出典型港劇框架:師奶劇打開邊集都明

+40