吳業坤與ERROR跨台友誼唔轉「地下情」 自認想親試「死亡行星」

撰文:葉詩
出版:更新:

吳業坤(坤哥)周六(22日)義氣出席好友谷婭溦新碟《哭牆》見面會,在日本回歸後首度出席公開活動,坤哥直指感覺久違。提起坤哥早前與ERROR成員193(郭嘉駿)合照,兼交換兩個電視台的吉祥物Sound Bear及TVBuddy,及後就傳出新劇被飛起,對於有沒有被高層召見或被雪藏,坤哥回應指:「其實真心冇嘅,都知道大家係朋友,只係音樂上嘅合作,咁啱劇同奧運工作撞咗,嚟緊有機會去拍攝好多奧運Item,所以先迫不得已二揀一,然後就引致大家猜測。我係冇事㗎,仲未有事。我覺得冇事嘅,但將來嘅嘢講唔埋。」

坤哥早前與ERROR成員193(郭嘉駿)合照,兼交換兩個電視台的吉祥物Sound Bear及TVBuddy,疑引起被雪風波。(Facebook@吳業坤)

至於會否因今次事件而減少或低調跟ViuTV的朋友見面,坤哥就指不會:「除咗193,其實都識咗保錡好耐,其實做音樂呢個圈子好細,唔會話分唔分電視台或者公司去選擇朋友。」談起近來《ERROR自肥企画》人氣高企,坤哥亦直認有留意:「有睇Facebook啲短片都會知節目做咗咩,基本上有啲洗版都一定睇到。(最喜歡的部份?)死亡行星,都想試下彈人嘅感覺。」

+12

早前「連登討論區」出現一則帖文指希望部份TVB藝人過檔ViuTV,並點名鄭裕玲(Do姐)、農夫、森美、李佳芯等,坤哥亦有被點名,他笑指:「我覺得唔好話過唔過去,大家有合作,第時可以派歌上去,對樂壇嚟講都係一件好事,(想上《Chill Club》?)如果音樂節目,作為歌手,歌曲可以傳播到畀更多唔同觀眾就更好。」