單對單︱江欣燕爆當年主動提離婚 老公聽完掛住睇波反應勁Hea
撰文：林迅景
出版：更新：
無綫（TVB）節目《單對單》今晚（3/7）一集，主持黎芷珊邀請了江欣燕上節目傾談感情事。節目中江欣燕向黎芷珊表示，自己與前夫Jackson拍拖了十年，然後就結婚十二年，眨眼一過就是二十二年，直至2013年7月才正式離婚。
江欣燕表示離婚的決定，僅是因為她想重新認識自己。（《單對單》截圖）
江欣燕表示離婚的決定，僅是因為她想重新認識自己。她說：「發覺我哋內心有好大距離，我冇討厭同前度一齊嘅時間，因為人生經歷咗好多事，呢個係我嘅成長。我好多謝佢同我一齊嘅十二年，令我眼界擴闊咗好多。」更直言離婚的決定是她提出的。
男人...唉。（《單對單》截圖）
她向黎芷珊透露，提出離婚決定的當下，前夫正在「睇波」（以時間推估的話，好可能是正在觀看6月份舉行的2013年洲際國家盃或是2013年巴克萊亞洲錦標賽），而得到的回覆竟只是一句：「你話……」然後又繼續沉醉在足球賽事入面。江欣燕：「因為係我提出要分開，佢嗰日是冇反應嘅。」黎芷珊聞言後說：「所以當男人睇波嘅時候就唔好同佢講正經嘢。」江欣燕再補充：「咁我後來就等佢睇完波再傾。」
點擊睇詳細內容：
+19