獨家|《無間音樂》深宵浮沉17年棄用主持 周志康:完成歷史任務

撰文:張國基
出版:更新:

曾志偉與王祖藍重返無綫後,節目多方面嘗試,其中歌唱比賽節目《聲夢傳奇》最好成績,音樂節目《勁歌金曲》改革,不過同為音樂節目的《無間音樂》就命運不同。

《香港01》近日收到消息指《無間音樂》即將停播,記者致電主持謝文欣(Ally)查詢,Ally解釋節目沒有停播,不過將會轉形式:「我有收到消息,但唔係停播,會轉方式唔用主持去播MV。」Ally又透露與另一位主持周志康已經完成最後一次錄影工作,之後Ally有拍劇機會:「遲啲我會拍劇,應該8月中開工!」

謝文欣拎過年度最佳進步獎。(IG@ally_manyan)

周志康:第一個主持工作

周志康以短訊回覆《香港01》時承認已完成最後一次錄影:「可以話係完成一個歷史任務!」周志康說有不捨,因為節目意義重大:「對我嚟講係第一個主持節目,當年我《巨聲》出嚟都係拍劇,工作量唔係咁多,節目監製麥鎮東問我有冇興趣做,其實嗰時好想推,因為我對做主持、口才並沒有信心。」

周志康多年來認識到不少歌手朋友。(IG@chaus_official)
+5

周志康說在節目上認識到好多朋友、歌手,節目亦都好口碑:「好開心一個咁夜嘅節目,原來都唔少人睇。我聽返朋友分享,以前讀大學、收工返到屋企會開電視,咁啱會播住《無間音樂》。以前有個環節叫《點藏點樂》,回顧當年金曲同金榜,好多人鐘意睇。」

節目令周志康認識到一班戰友:「台前幕後慣咗一齊見面、工作,收工之後一齊食嘢,豹嫂(胡蓓蔚)、谷婭溦、謝文欣,甚至乎我哥都做過,我有次整親條腰,佢頂我一日,喺唔同主持身上學到唔同嘢。」他說樂於見到音樂節目進步,希望可以有機會以第二種形式再次數榜。

兩首新歌等待面世

周志康現時已投入《廉政行動2022》拍攝工作,之後亦會拍攝劇集《旁觀者》,他特別多謝《無間音樂》監製麥震東:「佢成日同我講『阿康你有機會拍劇唔使驚,隨時度期,就算你突然要去拍劇拍唔到節目,唔緊要,我哋會打開大門歡迎你。』所以《無間音樂》係一個好好嘅安樂窩。」回到歌手身份,周志康會與哥哥周志文及翟威廉造歌:「之前已經做咗兩首歌分別係《不是富二代》同埋《人馬座》,已經收咗demo準備做。我同威廉都開緊劇,要分配好時間。」

《無間音樂》在2004年開始在翡翠台首播,當時被安排在周二至周六的深宵時段播出,到2011年10月節目調至J2台下午4點15分播放一小時,晚上在再翡翠台重播。半年後《無間音樂》又重回翡翠台深宵時段,不過節目播出時間浮浮沉沉,2012年至2014年間已作出6次改變。直至2019年遷就《如懿傳》,《無間音樂》短暫停播,復播後節目時間仍然浮動,至今至少有4次調動。

+1
你可能感興趣