黎耀祥與劉青雲相識多年惺惺相惜 曾公開感激對方:叫我唔好放棄

撰文:董欣琪
出版:更新:

視帝黎耀祥自今年3月底離港到內地工作以來,除了拍戲之外,還輾轉不同城市出席活動,密密吸金,而黎耀祥亦有趁機同老婆一起遊山玩水,更相約不少好友聚會。日前黎耀祥上載了一段短片,並寫道:「內地工作相聚,兩個男人,喜歡哪個?」片中可見他與劉青雲相談甚歡,他更搭住對方膊頭合照,相當老友!

黎耀祥同劉青雲相識多年,近日在內地相聚。(影片截圖)
+17

其實黎耀祥與劉青雲早在入行初期已經認識,當年黎耀祥因為被劉青雲拍攝的招生廣告吸引而報考TVB旗下機構短期演藝訓練課程,之後他們更多次合作拍劇,包括《銀色旅途》、《燃燒歲月》、《人在邊緣》、《遊戲邊緣》等等,雖然當年劉青雲已經是男主角,黎耀祥只是「茄喱啡」,但劉青雲已經對他印象深刻,黎耀祥更直言劉青雲對自己影響很深:「佢作為一個朋友,佢每次都會鼓勵你,你諗下我哋做咗廿幾年,其實一路都冇乜成績可言,但佢成日都會同你講『你得㗎,唔好放棄』,佢真係喺我成個演藝歷程裏面,一個好重要嘅人物。」

黎耀祥直言劉青雲對自己影響很深。(YouTube影片截圖)

而劉青雲亦大讚黎耀祥人品好:「佢本身個人好有修養,我覺得呢樣嘢重要過演戲。一個好嘅人,重要過你係一個演技出色嘅人好多,我覺得人係最重要嘅。」兩人相識超過35年,互相欣賞、互相尊重,如今黎耀祥已經是三屆視帝,劉青雲更是影帝級人馬,不少粉絲都期待兩位好戲之人再度合作!

劉青雲大讚黎耀祥人品好。(YouTube影片截圖)

重溫視帝同影帝合作點滴:

+49
你可能感興趣