TVB大地震 《3日2夜》監製張志明宣布辭職曾捧紅多名女神
TVB再發生大地震，繼無綫綜藝科前高層余詠珊於今年4月辭職後，她昔日的愛將，擔任非戲劇節目監製及經理的張志明，近日亦宣告請辭，將於下月28日正式離任。亞視出身的他過檔TVB後製作了不少具爭議話題的真人騷、人氣飲食和旅遊節目而聞名，當中以肥媽（Maria cordero）《食平D》系列、《3日2夜》、《背遊系列》、《網絡挑機》、《有樓萬事足？》、《嫁到這世界邊端》系列、《Do姐有問題》、《娛樂新聞台》以及《姊妹淘》等較為人所熟悉。最近，由他打造的《煮戰》以及《代溝關注組》亦成功令TVB收視勁升，絕對是功臣，實力不容忽視。
點撃下圖睇更多節目：
獨具慧眼的張志明亦成功捧紅一眾一班小花上位，包括陳庭欣、張曦雯、朱智賢、鄺潔楹、簡淑兒和陳婉衡等等，亦捧紅多名旅遊達人包括「日本通」周奕瑋和《潮什麼》系列的梁芷珮等等。對於伯樂離職，陳庭欣回應該《香港01》時就表示：「我之前都無聽佢講過，感到很突然！」、周奕瑋就稱：「首先好多謝B哥 (張志明) 咁多年來俾咗好多機會我，唔單止娛樂新聞台，我嘅第一個旅遊節目都係B哥搵我拍嘅，令到我嘅演藝人生多咗好多可能性，好感激佢。聽佢講會返加拿大陪屋企人，其實都知道佢疫情期間一直都好想返加拿大陪屋企人，但係都冇機會。希望佢未來事事順利、生活開心快樂。」
而陳婉衡就指：「He’s an amazing person. I’m grateful for all the opportunities he’s given me throughout the years. All the best to him.（他是一個了不起的人。我很感激他這些年來給我的所有機會。祝他一切順利。）」鄺潔楹稱：「真係好唔捨得，B哥係帶住我入行嘅人，由佢請我返嚟做《娛樂新聞台》主播，到佢好多監製嘅節目都有用我，俾咗好多機會我，我都好感恩，而家科技咁發達我哋唔會失去聯絡，佢都有叫我繼續加油努力！」
張志明回覆時亦直認將於10月28日正式離職，對於離開原因是否關曾志偉和王祖藍回巢時：「絕對唔關志偉事，我會先返加拿大休息一陣，之後再作打算。」