【乘勝狙擊】與莊思敏床戲網民話尺度大膽 陳山聰︰汗水冇白費

最後更新日期:

昨晚闔家歡時段《乘勝狙擊》就有莊思敏和陳山聰上演親熱戲,網民大叫尺度大。(電視截圖)

莊思敏在訪問中表示這場戲原來只是小兒科。(電視截圖)

年近歲晚,大家都會去親友家中拜年,晚飯前後少不免電視餸飯。不過,昨晚闔家歡時段《乘勝狙擊》就有莊思敏和陳山聰再加傅嘉莉派「福利」。網民非常羨幕陳山聰,劇中他先同莊思敏激吻,之後再同傅嘉莉有床戲,同傅嘉莉「拚搏」其間,更咬了她膊頭一下,山聰又同時間幻想同莊思敏一齊,意識相當大膽。

有網民覺得該場戲根本是IIB級電影尺度,如果一家大細加上親戚一同收看,必得令新年「氣氛」倍升,莊思敏在電話表示這場戲原來只是小兒科:「好多(床戲)呀,多到唔記得。」原來莊思敏在劇中和山聰有不少大膽場面,觀眾真要多點留意。

我們就看得開心,但男主角陳山聰竟然說辛苦,他以WhatsApp回應:「你哋就睇得過癮,其實我就辛苦都不得了,拍呢啲場面我都係第一次,要就好多嘢,又要錫到佢成嗰嘴都係粉,我哋都係做戲,但我拍嘅時候就成身濕哂,出哂汗,好似拍武打片一場,因為度晒位,大家又熟,所以同莊思敏一take ok。不過大家睇得過癮就ok,我嘅汗水冇白費,我辛苦過莊思敏㗎,嚟緊我同佢仲多激戰場面,佢同黃子雄都好多㗎,所以大家記住追睇……放心,女朋友我有同佢講,佢都好明白,我係做嘢啫。」

山聰同莊思敏拍床上戲,竟然話拍得好辛苦!(電視截圖)

昨晚陳山聰不只和莊思敏拍床戲,亦有和傅嘉莉拍床戲,難怪網友話尺度大膽。(電視截圖)

劇情交待陳山聰和傅嘉莉親熱時,腦中卻想着與莊思敏的回憶。(電視截圖)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。