男神廚房｜譚俊彥爆曾被女拍檔指控非禮：場戲話我哋結婚要攬住佢
撰文：洪曉璇
出版：更新：
譚俊彥在《男神廚房》展現高超廚藝。
由鄭裕玲（Do姐）、王菀之（Ivana）主持的無綫綜藝節目《男神廚房》，新一集請來譚俊彥（Shaun）、吳業坤、陳柏宇、周柏豪一展手勢。譚俊彥原來是廚藝高手，迷倒一眾女嘉賓，試食時他更大爆曾被女拍檔指控「非禮」，令Do姐都感到非常愕然。
譚俊彥大方回應曾遇最難相處女拍檔，竟被指非禮。（影片截圖）
41歲的Shaun譚俊彥早於2000年出道，電影電視劇都有涉獵，試食時黃智雯問Shaun：「有無遇過好難相處嘅女拍檔？」Shaun爽快回應開名爆料：「我遇到一個女拍檔當時佢年紀好細，其實難相處因為當時嗰位女士只得19歲，我只係得21歲，有一場戲我同佢有啲身體接觸，例如話我地結婚我要攬住佢。攬完之後佢突然之間問我，你係咪想非禮我呀？到依家講返佢都應該會記得嘅，佢叫應采兒。」
翻查紀錄，兩人於2004年台灣劇集《候鳥e人》中飾演一對戀人。現場嘉賓見Shaun直接公開身份無不嘩然，Do姐更指：「開埋名我鍾意呀﹗」Shaun馬上澄清：「唔緊要我想講當時大家都好年輕，大家都無呢個意識，最後依家大家都變成好朋友。」
+37