楊明上訴期間靠不斷暴食放鬆心情 莊思明爆：肥咗二十磅
撰文：賴家杰
出版：更新：
莊思明已有一段日子沒有出席公開活動，她早前陪同男友楊明出席法座審訊案件時，當法官宣布楊明醉駕罪成時，思明當場哭成淚人。 事隔多個星期，今天 （22日）TVB台慶劇《十月初五的月光》首播，莊思明有份參與劇集，因此思明也現身與一眾演員觀看首集。
思明好耐冇出席公開活動。（梁碧玲攝）
她在接受《香港01》訪問時候，表示最近心情是還可以：「我都盡量自己上網睇有鼓勵性說話，同埋身邊好多親戚朋友都好支持我哋，所以心情都Ok。」提到當天楊明被判罪成，思明當場哭成淚人，她笑言：「我有喊，但就冇爆喊。有時候喺呢啲場合，我都盡量唔喊，抑壓自己，唔想表露太多情感，但有時候就忍唔住，流咗幾滴眼淚。」
思明心情唔錯。（梁碧玲攝）
另外楊明的情緒也是不少人都會關心，作為女友，思明跟大家說沒什麼大問題：「佢性格比較堅強同樂觀，佢呢排靠食嘢放鬆自己，佢都肥咗，因為佢想放鬆啲，佢減壓方法係食嘢，佢應該肥咗十幾至二十磅，不過好彩佢生得高大。（佢出名大隻同有六嚿腹肌喎）佢依家有一嚿腹肌。」
思明直言男友上訴的案件不能提太多，講得多會對楊明不公平。（梁碧玲攝）
點擊睇二人甜蜜照片！
+14
楊明與女友莊思明一齊到法庭。（資料圖片）