拳王|朱敏瀚大騷完美肌肉 蔡潔睇完勁尷尬:班男仔成日互相檢查

撰文:林迅景
出版:更新:

由陳耀全(Andy)監製的無綫台慶劇《拳王》,主要演員包括黎耀祥、張振朗、黃子恒、朱敏瀚、姚子羚、蔡潔、賴慰玲、譚俊彥、鄭子誠、許家傑、翟威廉、冼灝英、李君妍及孟希璘等,並逢周一至周五晚九點半翡翠台播出。

谷肌實錄。(《拳王》劇照)

第18集劇情重點落在年青演員的感情線上,雖然加晴(蔡潔飾)對於石子聰(朱敏瀚飾)的情深追求一直視而不見,但由於子聰處處為她著想,加上愛心爆棚「英雄救狗」,令加晴對正藍看似單向的感情有所動搖。該幕除了蔡潔及朱仔的交流有睇頭,朱仔一身超強肌肉亦相當吸睛;朱仔透露與張振朗其實齊齊於一年前已開始操練:「因為想喺《拳王》入面展現不一樣嘅自己,希望觀眾見到我哋真係有為角色努力過。」

好大隻。(《拳王》劇照)

觀乎花絮照,朱仔正式埋位前相當努力操練谷肌,而朱仔與蔡潔互動亦似乎相當尷尬,但蔡潔笑言只是劇情需要:「因為佢哋經常要喺劇入面騷肌,所以我已經盲目咗,初初唔熟真係會有距離感!佢哋班男仔好Friend,成日互相檢查肌肉,我係唔夠膽同佢哋一齊玩。」相關場口特別之處,除了拍攝當日天朗氣清令鏡頭拍出來份外唯美,狗狗演員也有帶給二人無限「驚喜」,朱仔笑謂:「其實狗狗算係好合作架喇,只係因為劇情需要我成日摸佢大髀內側,咁我每次摸佢都會趷起;都正常嘅,人都會咁反應啦。」

朱敏瀚大騷完美肌肉。(《拳王》劇照)

另昨晚劇情講述飾演大好人石在林的鄭子誠,幾經辛苦終與前度Linda(甄詠珊飾)冰釋前嫌,正當以為在林守得雲開,Linda卻遇上車禍身亡,在林於醫院邊喊邊痛心問道:「佢啱啱先話同我從新嚟過,點解會咁?!」另一邊廂,駿風拳館的棠哥(冼灝英飾)經好友太太佳嫂(韓馬利飾)連番苦勸,終願意放下執念忍痛與成了植物人廿年的好友告別,正藍亦因而憶起當年痛別哥哥正曦一幕…

+12
你可能感興趣