異搜店 | 61歲林漪娸喊樣獲激讚 近素顏演出:因角色唔可以靚

撰文:邱愛霖
出版:更新:

無綫(TVB)電視劇《異搜店》昨晚(10日)播出最新一集中,揭開了其中一個最大懸念。劇情講述,林漪娸(飾謝美嫦)和曹永廉(飾謝添勝)隱瞞了多年的秘密,終於被何廣沛(飾阿信)發現。原來何廣沛爸爸因二手店失火,欠債之下再與林漪娸發生爭執,因而自殺身亡。何廣沛大受打擊,大病一場後失憶,林漪娸及曹永廉便決定隱瞞下來。雖然解開了何廣沛父親的秘密,但為何何廣沛會有特異功能、林漪娸又心懷甚麼心事,真相似乎尚未完全解開......

(劇照)

今集最大睇頭是何廣沛和林漪娸爭執一幕。何廣沛終於擺脫乖仔形象,憤怒質問林漪娸是否害死父親,而好媽媽林漪娸終於崩潰,聲淚俱下和盤托出當年的秘密,林漪娸演技純熟自然,崩潰演技令人動容

點擊睇昨晚精彩一幕:

+12

加入TVB 40年獲封「處境劇女王」

61歲林漪娸1980年參選港姐,隨後加盟TVB拍劇,1981年便拍了《衝擊》及《千王群英會》,初出道便與任達華、汪明荃等紅星合作。代表作有《壹號皇庭》、《妙手仁心》、《刑事偵緝檔案》系列等,處境劇有《我愛玫瑰園》、《真情》、《皆大歡喜》及《愛.回家》系列,因拍攝多部處境劇而獲封「處境劇女王」。近年她轉型多數演出媽媽角色,仍無礙演技發揮。可惜,在無綫打滾約40年,她僅於2011年的《萬千星輝頒獎典禮》獲得「本年度我最喜愛的拍檔」,她曾於2011年憑《誰家灶頭無煙火》入圍最佳女配角,卻未獲TVB頒發獎項予以肯定。

林漪娸雖然已經61歲,不過穿起短裙出席活動的她不減當年勇。(葉志明攝)

「港產美魔女」林漪娸靠做氣功保養

林漪娸接受《香港01》訪問時坦言同何廣沛超有火花:「完全唔覺得拍戲,好似喺屋企咁。我同佢90%嘅戲都好快過,何廣沛本身交到戲,好有交流,好自然融合。何廣沛都做得好好,以佢嘅演戲經驗嚟講,演技都幼細。」

林漪娸透露,為了完美演繹出知慳識儉、不修邊幅的「謝美嫦」,她連續三個多月都沒有保養皮膚,她說:「係啊!三個幾月無保養,完全冇去美容院,冇做機,冇搽Cream,又唔落護髮素,令頭髮粗糙啲。拍嗰陣Foundation係有搽用嚟遮瑕疵,睫毛膏都冇,因為我個角色唔可以靚,所以唔保養。」

獲稱「港產美魔女」的林漪娸透露這個外號令她略感壓力:「人哋係咁讚你好,但其實平安健康,精精神神就OK。最緊要自然。我平時會做運動、做氣功,氣功好大幫助,都做咗廿幾年啦,如果得閒就會練嘅,最好日日都練。時間唔定,一時長啲,一時短啲。」林漪娸沒有爭獎,或做女一野心,她直言:「我個人較為隨緣啲,后生都唔aggressive。一個人Gain something就會Lose something,可能你做女一就要90%做嘢,咁我係Work life balance啲嘅。」

在《刑偵》中林漪娸已經好靚女。(網上圖片)

至於何廣沛亦指與林漪娸、曹永廉超有默契,「冇乜NG,我哋超少NG。佢都話阿仔,你好清楚知道自己做緊咩。因為呢場戲係比較後期先拍,所家大家都好在狀態,同埋對角色有晒一定嘅了解,一嚟就有Feel要喊。」至於被指只有乖仔演技,何廣沛解釋:「因為劇本安排,去到結局周先去到阿信嘅戲份,所以前面劇情一直都要忍住忍住,去到最尾一次過爆晒出嚟。」

異搜店 | 盤點5年10套奇幻劇收視 有兩套勁過《金宵大廈》變經典

+5
你可能感興趣