高海寧內地酒店隔離生意外爆嘴　開直播親解事發經過

向來事業心極重的高海寧（高Ling)，年底便約滿無綫，有傳她眼見自己在無綫發展有限，於是「扭計」講條件拒動筆續約，因而令高層不滿。適逢日前內地有個綜藝節目邀請《踩過界》劇中王浩信，張振朗及蔡思貝，但因蔡思貝現正忙拍《法證先鋒V》未能前往，故無綫找來高Ling頂上，希望藉此用一點點誠意打動高Ling留低。

而高Ling現時正於內地酒店隔離中，昨晚（14/1）亦不忘素顏在IG做直播同粉絲互動。有粉絲發現高Ling嘴唇受傷，高Ling就解釋話：「我瞓覺前都會睇住部手機，可能攰得滯瞓著咗，到我醒咗嘅時侯，唔為意部手機仲插住條叉電線，一攞開部手機，成部電話就打返轉頭，撞咗落個嘴度，搞到個嘴爆咗。」不幸中之大幸只是輕傷，傷勢不算嚴重。