開心速遞｜周嘉洛拒絕到緋聞女友陳瀅家拜年：好危險㗎！
撰文：吳子生
出版：更新：
周嘉洛今日（19/1）現身電視城出席無綫處境喜劇《愛‧回家之開心速遞》之「開心行大運」宣傳活動。而周嘉洛就希望新的一年能夠出入平安，同時希望是非緋聞可以遠離他：「陳瀅單緋聞過去咗就唔好再搞喇，我哋其實係好朋友嚟嘅。我哋冇單對單見面㗎。（點解呀？）唔怕大家見咁講嘢咩！不過佢就一向唔在乎一啲緋聞上嘅事，始終佢都辛苦咗咁多年呢方面，咁所以我係好理解佢，因為同佢合作過之後會知道。咁所以大家千祈唔好睇事睇一個方向囉。」
周嘉洛對女生沒有特定喜歡的類型。（陳順禎攝）
問到是否喜歡陳瀅這樣類型的女生？嘉洛表示：「我一向對待感情事係好睇感覺，有就有，冇就冇嘅。所以呢啲嘢我從來就唔勉強嘅。其實我又冇話鍾意邊啲類型嘅女仔，相信我感覺到嘅時侯呢，然後就會有。（會買咩賀年禮上去佢屋企拜年？）上去佢屋企⋯我呢啲係唔應該上嗰喎，因為呢啲都好危險㗎。如果賀年禮，我諗上朱敏翰屋企就有得諗喇。」