晚市禁堂食|菊梓喬笑言好鬼嬲狂叫外賣報復:肥咗十幾磅!

撰文:吳子生
出版:更新:

菊梓喬(Hana)今日(25/1)現身電視城出席無綫(TVB)音樂節目《勁歌金曲》錄影。Hana透露臨近新年,節日氣氛濃厚,引致胃口大增,連日來狂食十多底蘿蔔糕,導致爆肥十多磅,令她大為頭痛:「其實食蘿蔔糕之外,我都有食韓國燒、打邊爐同蒸鍋啦,全部嘢都係買返嚟自己整,但我食嗰量都係恐怖。我嘅食法係報復式咁去食嘢囉。(點解咁食法?情傷?)哈哈!咁快,又情傷,你跳得好快。咁又唔係,因為新年,加上政府又有限聚令,咁搞到好鬼嬲呀!要食嘢呀!要報復呀!所以係咁叫外賣呀!哈哈!不過我都食唔晒,要分兩餐食。」

Hana透露連日狂食十底蘿蔔糕暴肥十多磅。(梁碧玲攝)
大合照。(梁碧玲攝)