莊鍶敏測試「在家兼職」短訊搶單騙局 戶口秒變負數要求增值

撰文:朱奕錦
出版:更新:

昨日(10日),莊鍶敏(Jacquelin)在YouTube分享了一條名為「騙徒手法層出不窮,戶口一秒變負數」的短片,她表示:「其實去到最後佢係咪一個騙子呢,我唔能夠確定,因為佢係呃唔到我錢嘅,而調返轉,我喺佢身上又攞咗少少益處!」

莊鍶敏親自測試短訊騙局。(視頻截圖)

事緣大家經常收到在家做part-time的短訊,且每日收入大概100蚊至3000蚊不等,看似是筍工,實際可能是騙局。由於疫情期間宅家無聊,於是Jacquelin決定找一條短訊一探究竟。

Jacquelin透露,對方首先打探年齡,要求21歲以上,其後解釋有兩種工作性質,一個是在YouTube讚好或者留言,另一個是在一些網站幫商家搶單,譬如Amazon、淘寶、AEON等。然後發了5個YouTube channel給Jacquelin,讓她留言後截圖,每個留言要多餘10隻字,酬勞100蚊。完成後,對方即刻問Jacquelin戶口號碼,結果真的有100蚊到賬。

做完第一單後,Jacuelin順利受到100蚊。(視頻截圖)

不過,騙局並未就此完結,對方繼續問Jacquelin有無時間做搶單員,先用他們的戶口搶60張單分佣金,再用自己註冊的戶口做任務提款,只需要不停撳「提交」即完成搶單。Jacquelin說:「去到50張單嘅時候kick住咗,佢話因為你好好彩,搶到一張double(雙倍)佣金嘅單,所以個戶口唔夠錢,我要去top up(增值)咗個戶口先。」幾分鐘後,對方通知Jacquelin可以繼續搶單,完成60張之後,個戶口有12000幾蚊,即賺了逾2000蚊佣金。回到自己的戶口,有300幾蚊,Jacquelin問要如何提現,結果對方指要她完成自己戶口的單後才能提現,所以還要撳60下「提交」。

順利完成後,Jacquelin戶口的佣金已達800幾蚊,之後對方問她有無興趣再做張新單,於是Jacquelin又重複了一次同樣的做法,又是在同樣的位置kick住後賺雙倍佣金,回到自己戶口完成任務時,「重點」出現了:「撳到第40幾張單的時候,我得到呢個雙倍佣金,跟住問佢點算呀,咩嚟㗎,我可唔可以唔要呢張單?佢話唔得,你一定要top up咗,你個戶口先可以繼續郁返。嗰陣時我睇到我個戶口因為呢張雙倍嘅單去到4000幾蚊,但係因為kick住咗喺嗰張單度,突然之間,我個戶口變成負1800幾蚊,佢話你而家top up呢1800幾蚊先,跟住你就可以完成埋餘下啲單,你就可以攞返嗰4000幾蚊出嚟。咁我問佢如果我唔top up又如何?我可唔可以唔要呢張單,我攞返之前嗰啲錢?跟住佢梗係唔得啦,如果唔top up就一蚊都冇。」抱著測試心態的Jacquelin當然沒有再繼續與之周旋,甚至已經賺了100蚊,便沒有再理會。

Jacquelin的戶口一秒變負數。(視頻截圖)

之後Jacquelin又找了另一條短訊的號碼來試,同樣也是先讚好留言5個YouTube channel,酬勞100蚊,不過這個要她做完搶單之後才能給她。於是Jacquelin又搶單,期間與前面一樣,中途kick住、雙倍佣金,做完第一次後,戶口有200幾蚊佣金,今次Jacquelin執意要提款,而對方想說服她自己增值搶單,並開條下線出來抽佣金,每日就有兩倍回報。Jacquelin自然不會入局:「咁佢要氹我落疊,就話你而家畀個轉數快號碼我,入數畀你先咁。佢確實係入咗200蚊畀我嘅。」之後對方又再找她,表示可以成功提款證明系統無問題,繼續說服她開條下線搶單,不過最後Jacquelin一直拒絕,此後對方就再也沒有任何回覆。

總結這兩次經驗,Jacquelin笑言:「我覺得佢哋九成五係騙子,不過佢真係呃唔到我一蚊,調返轉喺呢兩次嘅經歷裏面,我仲收咗300蚊添,喺騙子嘅世界,我先係『騙子』,so sorry。不過今次拍片同大家講下,呢啲message唔一定係完全呃到你錢嘅,最後係睇下你點樣去處理,同埋你個心態要夠強大!如果你真係有時間嘅,可以真係加佢哋嗰WhatsApp,然後做咗嗰啲所謂嘅YouTube嘅任務,賺咗佢一舊水先。」

Jacquelin相當精明。(視頻截圖)
+4
你可能感興趣