肥媽年初獲挑選做政協委員 疫情後有望北上開會:最重要就係團結

撰文:趙允琳
出版:更新:

肥媽(Maria Cordero)今日(24日)以「廣東省梅州市政協委員 Maria Cordero(肥媽)博士, BBS, MH」的名銜到訪青衣方艙醫院捐贈物資,除了榮升政協委員令外界驚訝之外,本來只得小六學歷的她突然擁有博士銜頭更令人震驚。

肥媽(右三)以「廣東省梅州市政協委員 Maria Cordero(肥媽)博士, BBS, MH」的名銜到訪青衣方艙醫院捐贈物資。(陳順禎 攝)

她接受訪問時透露,自己於今年初才開始成為一名政協委員:「我係2022年1月1號做嘅,睇下之後我哋有冇得過去開會啦,因為疫情方面。(係點樣揀選解出嚟㗎?)我諗係佢哋揀選我㗎,哈哈。咩都好啦,我覺得唔好問國家、香港政府畀到咩你,你係香港人你係中國人,你畀到咩香港政府、畀到咩國家呢?我希望大家香港人能夠為香港做啲嘢。做啲咩呢?行過見到有垃圾執一執佢,見到有人畀人蝦,幫一幫佢吖,已經係好美好,最重要就係團結。」

肥媽身為政協委員,將來有機會要北上開會。(資料圖片)

至於肥媽的博士學位,原來她已有這個名銜多年,只不過一直沒有對外公布過:「我嗰個係西班牙嘅一間好出名嘅飲食大學頒畀我嘅,好多年㗎喇!我一路冇講,係我朋友佢知道晒乜都寫晒出嚟啫!我哋不嬲都係『肥媽』咁叫!有幾威吖?我有咁多仔女先係最威,我覺得身為一個香港人已經夠威。」

肥媽原來是飲食方面的博士。(陳順禎 攝)

肥媽在葡屬澳門出生,父親是在澳門工作的葡萄牙人,而母親則是華人。在9歲來到香港定居前喪父,之後背負起養活一家七口的重任,曾在碼頭當苦力,也任職售貨員、在工廠當質檢女工(14歲以假名「白小燕」任童工)以及在辦公室任文員。進入香港娛樂圈前,她曾為生計餬口做過廚師。後來她不再當苦力,轉在各大夜總會收集歌手的資料,再引介歌手到餐廳演唱,充當經紀人抽佣金。2014年,她更曾獲得香港特別行政區政府頒授銅紫荊星章。