專訪 | 蘇皓兒為搣甩「As One味」不惜毀容:唔想咁𡃁妹商業化

撰文:邱愛霖
出版:更新:

前女子組合As One成員蘇皓兒(Chloe)最近於無綫(TVB)電視劇《金宵大廈2》有破格演出,在單元二《雙魚》飾演女兒郭渺渺,與母親伍詠薇販賣悲情。其中一幕伍詠薇得悉Chloe犯錯後大怒,發癲大鬧掌摑女兒,開花灑用水淋身狠心懲罰。Chloe今次拋開包袱,不惜以毀容樣示人,更與伍詠薇大打出手。
Chloe不諱言「放」是要搣甩「As One味」:「組合嗰陣畀人感覺好𡃁妹、好商業化、好韓系,而家就想多樣性啲。今次角色係毀容、爛面,我係好冇包袱,我係好放嘅,希望觀眾可以見到我唔同嘅一面。」
髮型: Al Leung @ The Attic
化妝: Melody Chiu
攝影:梁碧玲

蘇皓兒(Chloe)近日於TVB電視劇《金宵大廈2》有破格演出,拋開包袱,飾演毀容女兒郭渺渺,與母親伍詠薇販賣悲情。(梁碧玲攝 )

相信觀眾猶記得Chloe於TVB電視劇《那些我愛過的人》飾演林文龍女兒,清純校服Look獲不少宅男大讚超正。Chloe於《金宵2》飾演被操控的人偶,與伍詠薇如同「雙魚」般命運糾結一起。現實中,Chole談吐舉止嬌柔,但她早已過上獨立生活,對答中也能看出她是個頗有諗法的女生。

劇中Chloe半邊臉毀容,她曾受訪表示,須3點起床化「毀容」妝。(劇集截圖)

天生天養 父親曾專程赴廣州睇騷支持Chloe

提到家庭關係,Chloe笑言自小父母是「天生天養」,與劇中控制狂伍詠薇走向兩個極端。而Chloe父母如多數華人父母一樣,愛意從不頻頻宣之於口,但會默默支持Chloe的演藝事業,她說:「有一次去廣州表演,阿爸山長水遠去到嗰個商場仔度睇我表演,都好感動。嗰時我哋組合7點鐘就要化妝,之後上保母車,再過關綵排,要早好多到。活動喺中午,我好專心喺台上表演,見唔到佢,我都冇特登去搵佢蹤影,原來佢好低調喺遠處觀眾台上面。後來佢喺現場即刻Send返啲片畀我,我入後見到佢嘅Message先知佢到場支持,都好驚喜。」

Chloe曾因父親專程赴廣州睇騷支持自己而大為感動。(梁碧玲 攝)

As One不是包袱 感恩好姊妹多年陪伴

近年Chloe決心走向演員路,積極接戲,但轉型談何容易,尤其As One以往算是小有名氣,身為「門面擔當」的Chloe更是與As One劃上等號。惟Chloe從未視As One為包袱,她坦言,若是現在才出道,就算參加聲勢浩大的《全民造星》,她估計自己需要到30多歲才適應娛樂圈,更不會收穫一班好姊妹,她說:「由組合行到呢一步都好唔容易。因為我係一個好慢熱嘅人,需要好多經歷去成長。以前喺組合,例如對答呢啲,小小問題都應付唔到,所以要浸好多年先去到而家呢個Level。所以我如果而家先出道嘅話,可能要浸多好多年,去到30幾歲先可以正常對答,都唔係一件好事。我都好慶幸喺以前年代出道,擁有好好嘅隊友。我哋而家都係好姊妹啦,佢哋陪住我哋一齊成長。」

蘇皓兒是前女子音樂組合「As One」成員。(IG圖片/chloe_so)

開心有粉絲仍懷念As One:會追睇晒討論區啲Post

Chloe身為前女團成員,如何看待如今本土組合發展?疫情肆虐逾兩年,許多港人由韓流明星,轉向支持本地組合,MIRROR已靠龐大本土粉絲奠定堅實基礎,COLLAR一出道便廣告代言不斷。倘若As One在如今時代背景下出道會更紅嗎?Chloe認為,即使As One現在出道,也未必夠電視台捧出的組合多資源、曝光機會。她開心有粉絲仍然記得As One,但不欲多作比較,並認為As One已盡力,成功過便足矣,她說道:「我有時都上啲討論區見到有人開懷念As One嘅Post,我有追睇晒,我都覺得好有趣。但我都相信時也命也,嗰時出道都有迴響,我哋去過韓國表演,有當地一班Fans,咁就唔會咁諗、咁樣去比較。」

Chloe認為即使As One現在出道,也未必會電視台捧出來的MIRROR、COLLAR多資源。(梁碧玲 攝)

自認女團前輩 不欲比較

會否心中有惋惜?Chloe思忖數秒,搖頭給予清晰的答案。她笑著自認女團前輩,是時候退役,後浪推前浪,實屬正常,她說:「咁又冇諗過呢啲,因為我而家都轉做演員,都專注演員發展,都唔會再作比較。同埋都過咗去,我都覺得自己係前一輩啦!哈哈!」

Chloe自認女團前輩。(梁碧玲 攝)

「理想型」是識煮飯:我就負責洗碗

說到這兩年私人生活,由於近來停晚市的緣故,Chloe開始留家學煮飯,擇偶標準隨之而轉變。她希望未來男友是一位識煮飯的男仔,自己願意幫手洗碗,她說:「呢個月我開始學煮飯,我好多道菜都係Fail嘅,我覺得好浪費我嘅Quota。我就希望對方識煮嘢食,我就負責洗碗,咁就係一個完美嘅配搭。」入得廚房,要出得廳堂嗎?Chloe害羞笑指:「外貌都需要嘅,順眼就得囉!」

現正單身的Chloe希望未來男友識煮飯,她會負責洗碗。(梁碧玲 攝)

蘇皓兒(Chloe)專訪美照:

+32

同場加映:金宵大廈2 | 伍詠薇迫毀容蘇皓兒扮慘 取材自美國母虐女24年真事

金宵大廈2 | 李施嬅外闖荷里活變雙料影后 自爆曾打算唔接續集

+45

同場加映:愛回家|10位30歲下現役清純女神 「港大楊恭如」仙氣直迫倪嘉雯

十位現役清純女神:

+43
你可能感興趣