金宵大廈2|樊亦敏韌帶撕裂 4月底返《愛回家》:睇下鏡頭點樣就

撰文:蘇國豪
出版:更新:

熱播中的無線(TVB)劇集《金宵大廈2》大受歡迎,掀起一陣煲劇潮。而今(8日)劇集就在電視城舉行宣傳活動,雖然單元四《姐姐》還未播出,不過參演演員都有出席,其中樊亦敏左腳受傷出席,引起大家關注。

《金宵大廈2》演員出席宣傳。(葉志明攝)

儲起再睇一次

雖然樊亦敏有份參演的單元四《姐姐》還未播出,不過她已經對劇情非常有信心。而在接受訪問時她亦表示《金宵2》好好看,自己亦在追着看,樊亦敏表示:「我自己都追住嚟睇,夜晚黑一定要當日即刻消耗咗先。同埋我有個習慣就係我睇完之後一個星期會儲住,由頭再睇一次。」果真是金宵迷。

樊亦敏參演的單元四《姐姐》還未播出。(葉志明攝)

着波鞋行路扭傷

而眼見她的左腳受傷,大家都非常關心,原來她是在走路的時候不小心扭傷的:「我隻腳3月頭已經受傷,韌帶撕裂咗後面呢一條。(拍戲整親?)其實唔係,我覺得我行路整親會被人笑,我都唔敢同人講,其實大家都覺得好奇怪,我係行行吓就突然『啪』一聲,我依家真係明咩叫企喺度,我真係企咗喺到唔郁得。(個日係着高踭鞋定波鞋?)個日係着波鞋,(睇咗醫生?)我照咗磁力共振,有積水其實係有炎症,我估應該係我以前有受過傷,同埋我着高踭鞋着好多,(依家點樣治療?)有食消炎藥跟住睇鐵打,有做物理治療。」

樊亦敏左腳受傷。(葉志明攝)

望順利拍到《愛回家》

而眾所周知她是參演處境劇《愛.回家之開心速遞》的重要角色之一,問到會不會影響劇集拍攝,她就表示:「其實我之前應該3月中已經返去拍《愛.回家》,但係因為咁嘅樣我返唔到,(咁劇集會唔會交代你將有消失的戲份?)其實去到4月底我就返,因為佢已經寫咗有我,咁變咗就算點樣辛苦都好都要傾下,睇下啲鏡頭點樣就。」希望樊亦敏早日康復,拍更多好戲帶給觀眾。

樊亦敏望拍攝《愛回家》時能遷就鏡頭。(葉志明攝)
你可能感興趣