林峯拍戲搞到周身傷 竟被愛囡一個舉動徹底冧爆
撰文：吳子生
出版：更新：
林峯今日（19/4）現身電視城出席無綫音樂節目《勁歌金曲》錄影。林峯透露早前拍戲搞到周身傷痕，回到家時，竟被愛囡一個舉動徹底迷倒：「因為我隻手有好多花痕，佢見到之後，佢走埋嚟指住我話痛痛，然之後佢會用個嘴吹我手上面啲傷痕跟住佢就會話呵呵。因為喺佢細個嘅時候，教過佢一痛就會呵呵，然後跟住會吹一吹。其實喺嗰一刻佢咁做，我真係冧晒，變咗我即刻冇晒事。」
林峯和愛囡互動。
問及經常出外工作少見囡囡，會否十分掛心？林峯直言肯定會：「就好似之前咁，因為疫情大家分隔兩地，太太就話不如帶埋囡囡過嚟陪我，我話好，係因為令我更加有動力去做嘢。（會否生多個陪囡囡？）其實都有諗過，始終都想佢有個伴，不過一切都係順其自然，就冇話想相隔幾耐就生，我哋都好隨機。」
林峯和太太陋張馨月婚後非常思恩愛。