好兄弟吳業坤被指與太太愛子造人成功 周奕瑋不信：佢份人好謹慎
撰文：吳子生
出版：更新：
周奕瑋今日（17/6）現身西九龍文化藝術公園出席「J2再出世」接生大會。對於好兄弟吳業坤被指與太太濱口愛子造人成功，周奕瑋笑指無可能：「其實以吳業坤個人嚟講，佢份人好謹慎。大家唔好睇佢平時份人咁吊兒郎當，但其實佢份人係好有計劃，所有嘢都會諗清諗楚嘅。不過最衰之前佢有叫過我同埋佢太太食飯，但我唔得閒啦，如果唔係我諗認該都會知係唔係有喜。不過咁睇佢太太嚟咗香港都唔係好耐，而且都係啱啱隔離完，照計應該未咁快會有喜啩。」
吳業坤被傳與太太愛子成功造人，周奕瑋坦言不相信。（吳子生攝）