張國榮22年前演唱會造型惹批評 肥媽嘆不公:呢樣嘢傷害佢好緊要

撰文:邱愛霖
出版:更新:

肥媽Maria Cordero於娛樂圈人面廣闊,與梅艷芳、陳百強、張國榮、張衛健、羅文均是好友。近日肥媽受邀上內地電台節目《麗人麗語》分享娛樂圈秘史,談及過世好友時,言語之間流露出心酸之情。

肥媽回憶梅艷芳、陳百強、張國榮往事。(小紅書影片截圖)

肥媽的訪問雖然仍未出街,但內容已率先曝光。肥媽慨歎梅艷芳早逝:「真係愈好嘅朋友就愈走啊走啊走啊。」肥媽多年來都對梅姐的早逝而心懷惋惜,她說:「其實阿妹唔使死㗎,阿妹係真係唔應該死㗎。但阿妹真係放棄自己啫,就係因為冇親情,阿媽同阿哥畀唔到親情佢,我留喺度做咩啫?淨係攞嘢嚟用咋嘛。」

何韻詩是梅姐梅艷芳的徒弟。(視覺中國)

說到張國榮(Leslie),肥媽笑言他與自己一樣八卦,鍾意打麻將。張國榮非常錫身,肥媽指每次張國榮上她家都會要求飲檸檬水和檸檬茶,而非飲酒。肥媽稱讚張國榮確實非常熱愛音樂,又待人親切,她說:「Leslie好人到不得了㗎。最後一次演唱會佢叫我去睇佢,我就遲咗答覆佢,冇晒飛佢就俾我坐Panel,佢就逐個逐個招呼我哋。佢好錫人㗎。」

張國榮2020年《熱情》演唱會。(影片截圖)

提起張國榮於2000年舉辦《熱情》演唱會,邀請著名設計師Jean Paul Gaultier為他設計表演服,惹來傳媒批評,肥媽對此深感不忿,她說:「其實香港人對佢好唔公平。佢最後嗰個演唱會呢,叫Jean Paul幫佢設計造型,被記者寫到佢好犀利,嗰個係好Hurt呀。到佢巡迴返嚟呢,啲人就開始讚佢囉,話佢成功啦。呢一樣嘢對佢嗰個傷害好緊要。」

肥媽憶述剛得悉張國榮死訊時還以為時愚人節玩笑,第一反應是鬧對方:「我話唔好搵呢啲嘢玩啦!」肥媽因好友逝世消沉了許久,只能安慰自己是天妒英才,她說:「因為佢哋太好人囉,個天都唔想佢哋辛苦。」

張國榮和梅艷芳是好友。(資料圖片/《芳華絕代》MV截圖)

同場加映:王祖藍憶父親為免拖累隱瞞病情 「患末期腸癌卻瞞我說去旅行」

你可能感興趣